Бишкектин мэри кар начар тазаланганы үчүн кол алдындагыларды жазаладыГерманиядагы терактыдан 11 адам каза таап, 80 киши жаракат алдыБишкекте III Элдик курултайдын экинчи күнү башталдыАлдыда кененирээкБүгүн Бишкектеги Т.Сатылганов атындагы Кыргыз улуттук филармониясында III Элдик курултайтын экинчи күнү башталды. Иш-чарага президент Садыр Жапаров, Жогорку Кеңештин төрагасы Нурланбек Шакиев, министрлер кабинетинин төрагасы Адылбек Касымалиев, министрлер кабинетинин мүчөлөрү, мамлекеттик жана муниципалдык кызматкерлер катышууда. Иш-чара эки күнгө – 20-декабрдан 21-декабрга чейин уланат. Бул жолу курултайга жалпы 700 делегат чакырылса, алардын 30 жашка чейинкиси 14, 30 жаштан 60 жашка чейинкиси 353, 60 жаштан 80 жашка чейинкиси 328ди түзөт. Ал эми 80 жаштан жогору 5 делегат шайланган. Делегаттардын арасында эң улуусу, кылымга тете жашаган 98 жаштагы Улукбек Эргешов. Иш-чара өлкөнүн акыркы жылдардагы социалдык-экономикалык өнүгүүсүнүн негизги жыйынтыктары тууралуу тасманы көрсөтүү менен башталды.
2025-жылы Билим берүү жана илим министрлиги экиге бөлүнөт. Бул тууралуу Жогорку Кеңештин төрагасы Нурланбек Шакиев Элдик Курултайда кабарлады. Шакиев буга чейин мекемени кайра түзүү маселесин бир нече жолу көтөргөнүн эске салды. Президент Шакиевдин демилгесин колдоду. «Мен бул маселени бир нече жолу көтөрүп, ведомствону эки министрликке: мектеп жана мектепке чейинки билим берүүнү көзөмөлдөй турган Билим берүү министрлигине жана өзүнчө Жогорку билим берүү жана илим министрлигине бөлүүнү сунуштадым. Президент бул демилгени колдоду. Кечээ биз аны талкууладык, кийинки жылы жаңы ведомстволор – Жогорку билим берүү жана илим министрлиги менен Билим берүү министрлиги түзүлөт», — деди Шакиев.
Бишкектин мэри Айбек Жунушалиев жолдогу кар начар тазалангандыгы үчүн кол алдындагыларды жазалады. Бул тууралуу муниципалитеттен билдиришти. Мэр Айбек Жунушалиев карды тазалоого жооптуу кызматтардын ишинин жыйынтыгы боюнча тиешелүү чараларды көргөнү белгиленди. "Тийиштүү көзөмөл жүргүзбөгөндүгү жана ишти сапатсыз уюштургандыгы үчүн мэрдин орун басары Рамиз Алиев, Октябрь районунун акими Жаныбек Орозалиев, "Тазалык" муниципалдык ишканасынын директору Жолдош Чуштуков, Октябрь району боюнча участоктун башчысы тартиптик жаза алышты", — деп айтылат маалыматта. Калаа башчы коммуналдык ишканалар жаңы техникалардын келишин эске алуу менен иштөө ыкмаларын жана иш жүргүзүүсүн өзгөртүүсү зарылдыгын белгилеген. "Быйыл биринчи жолу атайын техникаларды алууга 1 миллиард сом бөлүнгөн, бүгүнкү күндө олуттуу сандагы техникалар келип, кызматкерлер үчүн бардык шарттар түзүлүүдө. Демек, турак жай-коммуналдык чарба тармагында сезилерлик өзгөрүүлөр болушу керек", — деп белгилеген Жунушалиев.
Магдебургдагы рождестволук жарманкеде болгон терактынын кесепетинен кеминде 11 адам каза болуп, 60тан 80ге чейин адам жаракат алганын РИА Новости германиялык басылмаларга таянуу менен билдирди. Унаанын айдоочусу топтолуп турган адамдарды сүзүп кеткен. Welt басылмасынын маалыматы боюнча, айдоочу 1974-жылы туулган Сауд Арабиясынын жараны болгон. Зютдайтшэт Зшайтун гезити өз булактарына таянуу менен билдиргендей, шектүү 2016-жылы качкын деп таанылган. Саксония-Анхальт федералдык штатынын премьер-министри Райнер Хазелофф эки адам каза болгонун, алардын бири кичинекей бала экенин айтууда.