Жогорку Кеңеште Эмгек кодексинин долбоору үч окууда кабыл алынды. Муну менен бирге "Эмгек кодексин колдонууга киргизүү жана Кыргыз Республикасынын эмгек чөйрөсүндөгү айрым мыйзам актыларына өзгөртүүлөрдү киргизүү жөнүндө" долбоору да кабыл алынды. Ага ылайык, 23-февраль (Мекенди коргоочулар күнү), 7-апрель (Апрель элдик революциясы күнү), 7-8-ноябрь (Тарых жана ата-бабаларды эскерүү күндөрү) майрам бойдон калат, бирок иш күндөрү болот. Дагы бир жаңылык: дем алыш күндөрүн жылдыруу нормасы жокко чыгарылды. Мурда майрам ишемби же жекшембиге туура келсе, эс алуу күнү кийинки жумуш күнүнө которулчу. Эми мындай болбойт. Документте жаңы жыл (1-6-январь) жана май майрамдары (1, 2, 3, 4, 6, 7, 8-май) да так көрсөтүлгөн.
2025-жылдын 1-январынан тарта чет элдиктерге уруксат берүүчү документтерди берүү "Бирдиктүү терезе" принциби менен иштейт. Бул тууралуу Эмгек, социалдык камсыздоо жана миграция министрлигинен билдиришти. Бардык процедуралар Evisa.e-gov.kg. веб-сайты аркылуу жүргүзүлөт. Маалымат алуу үчүн телефондор: 0312603070, +996703428865). Белгиленгендей, портал Ework.e-gov.kg 2024-жылдын 25-декабрынан тарта квоталарды жана иштөөгө уруксат алуу үчүн документтерди кабыл алууну токтотот. Жаңылык убактылуу жобонун бекитилиши менен байланыштуу экени айтылды. Министрлик чет өлкөлүк жумушчуларды жалдоочуларды 25-декабрга чейин тиешелүү документтерди берүү/алуу жол-жоболорун аяктоого чакырат.
Евразия экономикалык комиссиясынын коллегиясы ЕАЭБ алкагында саламаттыкты сактоо жаатындагы экономикалык кызматташуу боюнча сунуштаманы бекитти. Бул документ ЕАЭБге мүчө өлкөлөрдүн жарандары үчүн заманбап медициналык технологияларды жеткиликтүү кылууга жардам берери айтылды. Документте маалыматтык-коммуникациялык технологияларды жана телемедицинаны өнүктүрүү, жогорку технологиялык меджардам көрсөтүү жана аталган тармактагы технологияларды стандартташтыруу боюнча кызматташтыкты күчөтүү каралган. "Бул демилгелерди ишке ашыруу ЕАЭБ өлкөлөрүнүн жарандары үчүн заманбап медициналык технологиялар менен жогорку технологиялык меджардамды жеткиликтүү кылууга шарт түзөт", — деп билдирди ЕЭКтин экономика жана каржы саясаты боюнча министри Бахыт Султанов. Ошондой эле телемедицинаны колдонуу боюнча алдыңкы тажрыйбаларды изилдөө жана жарандарга аралыктан меджардам көрсөтүү боюнча механизмдерди иштеп чыгуу сунушталды.
USAID агенттигинин Россиядагы ишмердүүлүгүнө тыюу салуу чечими туура болгонун Азербайжандын президенти Илхам Алиев ВГТРК менен РИА Новостиге курган маегинде билдирди. "Жозеф Байдендин администрациясы көп нерсеси менен эсте калат. Айрыкча, таңуулаганды жакшы көрүшөт. Алар "биз силерге жардам беребиз" дешет, "рахмат, кереги жок" деп баш тартсаң", "жок, жардам беришибиз керек" деп таңуулашат. Мисалы, алардын USAID деген структурасы эмнегедир биздин муктаждык жок жерлерге жардам бергиси эле келип турат", — деди Алиев. Анын пикиринде, USAID саясаттан таптакыр кетиши мүмкүн. Анткени агенттиктин ишмердүүлүгүнө Американын жаңы шайланган призиденти Дональд Трамп тыюу салышы ыктымал. Азербайжандык ЖМКлар чет элдик булактардан бир пйыз дагы каржыланбайт анын эмне кереги бар, биз деле АКШ дагы маалымат каражаттарын финансылабайбыз да деди призидент