БИШКЕК, 18-дек. — Sputnik. Сүлүктүдө сегиз шахтер куткарылганын ӨКМден билдиришти.
Маалыматка ылайык, 17-декабрда саат 14:38дер чамасында Сүлүктү шаарындагы шахтада газ чыккандыгы тууралуу маалымат түшкөн.
"Аталган дарекке мобилдештирилген тоо кырсыгынан куткаруу взводунун өздүк курамынан жети, саат 15:11де аталган взводдон кошумча дагы 11 куткаруучу, Сүлүктү шаары боюнча ӨКБдин башчысы баштаган ыкчам топ барган. Взвод куткаруучулары кен казган сегиз кишини (шахтерду) аман-эсен алып чыгышты", — деп айтылат маалыматта.
Андан соң куткаруучулар аталган шахтада газдан тазалоо иштерин жүргүзүшкөн.