БИШКЕК, 18-дек. — Sputnik. Бишкекте эки жигитти тоноп кеткен куралданган бет капчандардын видеосу социалдык тармактарга жарыяланды.
Андан эки жигит тоноочулардан жан талашып коргонуп жатканын көрүүгө болот, бирок шектүүлөр көптүк кылып, аларды сабашкан.
Бычак менен кол салган окуя Чокморов көчөсүндө болгон. Анда белгисиз эки бет капчан киши сумкасында 31 миллион рубли бар 20, 28 жаштагы жигиттерге кол салган.
Жабыркагандар бети, колунан жаракат алып ооруканага жеткирилген. Кол салгандар акчаны алып, Ford Focus үлгүсүндөгү автоунаа менен качып, кийин чет өлкөнүн номери тагылган машинага отурушкан. Шектүүлөр дагы деле табыла элек.