Суу ресурстарын сарамжалдуу пайдалануу жана Ысык-Көлдү сактоо маселеси курчуду

Sputnik
29-ноябрда Ысык-Көлдө өткөрүлгөн климаттын өзгөрүү шарттарында өлкөнүн суу ресурстарын сарамжалдуу пайдалануу жана Ысык-Көлдү сактоо боюнча Улуттук суу форуму өтүп, анда бир катар чечимдер кабыл алынган.
Форумда — өлкөнүн суу ресурстарын сарамжалдуу пайдалануунун жана туруктуу өнүктүрүүнүн улуттук артыкчылыктары жана келечеги, аны чечүүнүн илимий-практикалык жолдору, суу ресурстарынын жана мөңгүлөрдүн учурдагы абалы, климаттын өзгөрүүсүнүн өлкөнүн суу ресурстарына тийгизген таасири, суу ресурстарын соолуудан жана булгануудан сактоо, калктын ден соолугун коргоо, Ысык-Көлдүн экологиялык абалын жакшыртуу, суу боюнча инвестициялык демилгелерди колдоо жана суу ресурстарын башкаруунун милдеттери талкууланган.
“Ачык кеп” программасынын мейманы Канатбек Туратбек уулуна суу ресурстарын пайдалануу, ирригация, таза суу, Ысык-Көлдү сактоо жана мөңгүлөрдүн абалы тууралуу бир катар суроолорду бердик.