БИШКЕК, 11-дек. — Sputnik. Кыргызстандын мыкты футболчусу деп чабуулчу Жоэл Кожо табылды.
Кечээ Football Awards сыйлык тапшыруу аземи өтүп, өлкөнүн футболдогу мыктылары аныкталды.
Жоэл Кожо быйыл футбол боюнча улуттук кураманын 2026-жылдагы дүйнө чемпионатынын тандоо раундунда мыкты оюндарды көрсөтө алды. Ал өзбекстандык “Динамо Самаркандда” ойноп келсе, эми ирандык клубга өтүшү күтүлүүдө.
Жакында Кожо Sputnik Кыргызстан агенттигине маек куруп, жашоосу жана улуттук курама командада ойногону тууралуу айтып берген.