БИШКЕК, 10-дек. — Sputnik. РФ президенти Владимир Путин ЖККУга мүчө мамлекеттердин парламент жетекчилери менен миграциялык кырдаалды талкуулады.
Өлкө башчысы миграциялык коопсуздук боюнча концепциялар жана легалдуу эмес миграцияга каршы күрөштө мыйзамдарды жакшыртуу боюнча сунуштар даярдалганын билдирди.
"Буга биз да, биздин өнөктөштөр да кызыкдар. Анткени бардык нерсе биримдиктин ичинде бир өлкөдөн экинчи өлкөгө барып иштеп жаткан адамга дагы, ал жактагы жергиликтүү тургунга дагы ыңгайлуу, коопсуз болушу керек", — деген РФ лидери.
Ал ошондой эле мигранттар орус тилин билиши жана социалдык жардамды колдонушу керектигин белгиледи.
Путин буга чейин мыйзамсыз миграция уюштуруу үчүн жасалма документ даярдагандарга 60 миллион рублге чейин айып пул салуу боюнча мыйзамга https://sputnik.kg/20241124/rossiya-migratsiya-miyzam-1090374856.html кол койгон.
Андан мурдараак Россиянын салттуу баалуулуктарын сактаган чет элдиктерди колдоо боюнча жарлык чыгарган. Ал эми анын маалымат катчысы Россия эмгек мигранттарына муктаждыгын, алардын келишин өлкө жетекчилиги кубаттай турганын айткан эле.
21 Жетинин айы 2024, 15:39