БИШКЕК, 9-дек. — Sputnik. Сибирь федералдык университети жана Талас мамлекеттик университетинин окумуштуулары Арктикада суу бетине төгүлгөн мунайды тазалай турган "губка" ойлоп табышты. Бул тууралуу РИА Новости жазды.
Маалыматка ылайык, мунай продуктулары суу бетин каптаганда кычкылтек, жарык жана жылуулукту өткөрбөгөн пленка пайда болуп, микроорганизмдерге зыянын тийгизет. Ошондой эле бир тонна нефть 10 мүнөттүн ичинде 12 чарчы чакырым аянтты капташы мүмкүн экени айтылган.
1 / 2
Маалыматка ылайык, мунай продуктулары суу бетин каптаганда кычкылтек, жарык жана жылуулукту өткөрбөгөн пленка пайда болуп, микроорганизмдерге зыянын тийгизет
© Фото / пресс-служба СФУ / Евгений Пузин
"Материал суу бетинен 90-98 пайызга чейин мунай продуктуларын өзүнө сиңирет. Ал 40 градус ысыкка чейин жарактуу. Кийинчерээк чирип жок болгондуктан экологияга зыянсыз. Аталган "губкада" арктиканын топурагына керектүү заттар болгондуктан аймактагы өсүмдүк жана бактериялар үчүн азык болот", — деп айтылат маалыматта.
Ошондой эле бир грамм "губка" 19 грамм нефтини сиңире алары кошумчаланган.
