Европа менен АКШны талибдердин бийлигин таанууга, алардын тоңдурулган акчасын кайтарып берүүгө чакырам. Бул тууралуу президент Садыр Жапаров TRT AVAZ телеканалына берген маегинде айтты. Ал материалда Афганстандагы абал жана аны жакшыртуу үчүн көрүлө турган чаралар боюнча айтып берген. Президент Садыр Жапаровдун маегиндеафган эли узак жылдар бою согуш жана анын кесепеттеринен жапа чегип, кыйналып келет; Афганстан кошуна өлкөлөр менен чектешкендиктен ал жактагы абалдын курчушу кайсыл бир деңгээлде Кыргызстаны дагы тынчсыздандырат; 2021-жылы Афганстанда бийликке "Талибан"* кыймылы келип, башкарууда. Муну эч ким тана албайт. Бир катар өлкөлөр, анын ичинде Кыргызстан дагы "Талибанды"* тыюу салынган уюм тизмесинен чыгарды. Ошондой эле бир нече жолу гуманитардык жардам жөнөттү; Афганстандын 9,4 млрд доллары батыш өлкөлөрүндө тоңдурулган. Бул каражатты Афганстандагы кырдаалды жакшыртуу үчүн тез арада кайтаруу зарыл. Учурдан пайдаланы Европа жана АКШ жетекчилигин Афганстандын азыркы бийлигин таанууга, тоңдурулган акчаларын кайтарып берүүгө чакырам;
Мамлекеттик салык кызматынын Биринчи май району боюнча башкармалыгынын башчысы Кыдыров Кыдыкбек Догдурбековичке Мамлекеттик салык кызматынын төрагасынын милдеттерин убактылуу аткаруу жүктөлдү. Тиешелүү тескемеге министрлер кабинетинин төрагасы Акылбек Жапаров кол койду. Эске салсак, Мамлекеттик салык кызматынын төрагасы Алтынбек Абдувапов жана анын орун басары Исламбек Кыдыргычов кармалган. УКМКнын маалыматы боюнча, тергөө иштеринин алкагында алардын электрондук товардык-транспорттук коштомо кагаздарды пайдалануу менен байланышкан махинацияларга тиешеси бар экендиги аныкталган. Буга байланыштуу Алтынбек Абдувапов ээлеген кызмат ордунан тергөө мезгилине убактылуу четтетилген.
Арстандын болжол менен алты айлык күчүгүн Бишкектеги жаныбарлар багылган жайга таштап кетишкен. Бул тууралуу баш калаадагы Zoobishkek реабилитациялык зоопаркынан билдиришти.Аталган мекемеден жаныбардын кайдан келгенин, мурдагы ээсин тактай албай койгондуктарын айтышты. Себеби, алып келген "курьер" күчүктүн кожоюну жөнүндө маалымат берүүдөн баш тарткан. Россиялык консультанттар арстандын баласы болжол менен жарым жашта экенин, ичеги-карынында, кулагында мандем бар экенин айтышып, андан сырткары артрит деген да диагноз коюшкан. Күчүк алсыз болгондуктан жакшы ирдене албай жатканы маалым болду. Зоопарктагылар ага Лея деген ат берип, учурда адистер тыкыр карап, дарылап жатышат. Zoobishkek борборунун администрациясы социалдык тармакта жаныбардын ден соолугун чыңдоого каражат чогултулуп жатканын, жардам берүүнү каалагандардан колдоо кабыл алынарын билдиришти.
Украина 2022-жылы англосакстардын таасиринин астында Россия менен тынчтык келишимин түзүүдөн баш тартып катуу жаңылган. Бул тууралуу Венгриянын премьер-министри Виктор Орбан Kossuth радиосуна маек куруп жатып айтканын РИА Новости жазды.Премьер АКШнын мамелкеттик катчысы Энтони Блинкендин Украинадагы мобилизациялоо курагын төмөндөтүү сунушун "акылга сыйгыс" деп атады. Эскерте кетсек, 2023-жылдын ноябрында Владимир Зеленскийдин "Слуга народа" партиясынын фракция жетекчиси жана улуттук коопсуздук , коргонуу. чалгын комитетинин мүчөсү Давид Арахамия Украинадагы жаңжал 2022-жылдын жазында эле токтомоктугун айткан.