БИШКЕК, 4-дек. — Sputnik. Муктаждык болсо бардык региондо эт саткан социалдык аянтчалар уюштурулат. Бул тууралуу Айыл чарба министрлигинин Азык-түлүк коопсуздугу боюнча чечимдерди ишке ашыруу башкармалыгынын башчысы Эрбол Замирбеков Sputnik агенттигинин маалымат борборунда өткөн брифингде билдирди.
Анын айтымында, бүгүнкү күндө Бишкек шаарындагы үч чоң базарда (Ош, Аламүдүн жана Орто-Сай), ошондой эле Ош шаарында социалдык аянтчалар иштейт.
Буга чейин бааны турукташтыруу максатында эт саткан социалдык пунктулар ачылган. Айыл чарба министрлиги ал жакта уй эти 550 сомдон сатылып жатканын айтууда.