Өлкөдө 50дөй аталыштагы дары-дармектин түрү өндүрүлө баштаары айтылдыСтолтенберг Киевдин жакында жасай турган кадамдарын божомолдодуБишкек мэри автобус айдоочуларды ай сайын психикалык жактан текшерүүнү сунуштадыАлдыда кененирээкӨлкөдө 50дөй аталыштагы дары-дармектин түрү өндүрүлө баштайт. Бул тууралуу Саламаттык сактоо министрлигинен билдиришти. Мамлекетке кайтарылган "Айдан Фарма" фармацевтикалык заводуна бүгүн министр Алымкадыр Бейшеналиев барган. "Рыногунун 90 пайыздан ашыгын импорттук продукция ээлеген Кыргызстан үчүн дары-дармектерди жана медициналык буюмдарды өз алдынча өндүрүү маанилүү", — деген министр. Эми аталган заводдо 50дөй аталыштагы дары-дармектин түрү өндүрүлө баштаары айтылган. Учурда аталган завод медициналык этил спиртин чыгарат.
Ысык-Көл аркылуу жүргүнчү ташуу үчүн жаңы эки кеме алып келинди. Бул тууралуу ташып келген компаниядан билдиришти. Суу транспортунун бири 84, экинчиси 54 жүргүнчүнү ташууга ылайыкталган. "Ысык-Көлгө жаңы кеме акыркы жолу 1980-жылы коё берилген. Учурда Кытайдан заманбап эки жүргүнчү кеме алып келинди. Алар Mercury деңиз кыймылдаткычтары менен жабдылган. Бул жабдуулар зыяндуу заттардын абага чыгышын азайтып, күйүүчү майды да аз чыгымдайт. Мындай өзгөчөлүктөр кемени экологиялык жактан коопсуз жана жүргүнчүлөр үчүн ыңгайлуу кылат", — деп жазылган маалыматта. Бул кемелерди Ысык-Көлдүн түндүк жана түштүк жээктерин, анын ичинде Чолпон-Ата — Тоң багытын туташтырган каттамдарга коё берүү пландалууда.
Борбор калаанын мэри Айбек Жунушалиев автобус айдоочуларынын психикасын ай сайын текшерип туруу керек деп эсептейт. Бул тууралуу ал 24.kg басылмасына билдирди. Мэрдин айтымында, ал коомдук транспорттун айдоочуларынын жоопкерчилигин жогорулатуу тапшырмасын берди. «Биз Жазык-процессуалдык кодекске жол кырсыгына катышкан коомдук транспорттун айдоочуларынын жоопкерчилигине байланыштуу өзгөртүүлөрдү киргизели деп жатабыз», — деди Айбек Жунушалиев. Ал кошумчалагандай, ай сайын автобус айдоочуларынын психикасын текшерип туруу ниеттери бар. «Психологиялык тесттер үчүн компьютердик бөлмөлөрдү даярдап койдук. Мындан тышкары, автобустарды башкарууну көрсөткөн төрт симулятор бар. Учурда айдоочулар жылына эки жолу психологиялык тесттен өтүшөт. Мен бул тесттерди ай сайын өткөрүүнү сунуштадым», — деди мэр.
“Эл аралык “Манас” аэропорту” ачык акционердик коомунун аталышы өзгөтүлөт Ал үчүн эки вариант сунушталууда. Маселе 19-декабрда акционерлердин жыйынында каралмакчы. Бирок аэропорттун Бишкектеги филиалы “Манас” деген аталыш менен каларын мекеменин маалымат кызматы кабарлады.
НАТОнун мурунку баш катчысы Йенс Столтенберг тынчтыкка эртерээк жетүү үчүн айрым аймактарынан "убактылуу" баш тартарын божомолдоду. Бул тууралуу РИА Новости Tagesschau басылмасына таянуу менен жазды. "Ок атышуу токтошу керек, албетте, документ Россиянын көзөмөлүндө турган аймактарды камтыса жакшы болмок. Бирок бул жакын арада ишке ашпай турганын көрүп жатабыз", — деген Столтенберг. Столтенберг Киев коопсуздук кепилдигин алышы керектигин белгилеген. Анын айтымында, кепилдикке альянска мүчөлүк кириши мүмкүн, ошол эле убакта башка нерселер да камтылышы ыктымал. Ноябрдын соңунда Зеленский Sky News каналына маек куруп жатып атышууну токтотуп, айрым аймактарынан баш тартууга макул экенин, бул үчүн Украина НАТОго мүчө болушу керектигин айткан.