БИШКЕК, 1-дек. — Sputnik. "Сосновка" постунда жүк ташуучу автоунааларга убактылуу чектөө киргизилди. Бул тууралуу ӨКМден билдиришти.
Бул чечим Бишкек — Ош жолунда кар жаап, жол тайгак болгонунан улам кабыл алынган.
"Жайыл районунун "Сосновка" постунда оор жүк ташуучу автоунаалардын бардык түрүнө саат 10:15тен тартып убактылуу чектөө киргизилди", — деп жазылат маалыматта.
Жолдун абалы жакшырган учурда чектөө алынары кошумчаланды.