БИШКЕК, 1-дек. — Sputnik. Кыргызстандык ырчы Бегимай Турусбекова "Царица" аттуу россиялык вокалдык шоунун кийинки туруна өттү.
Ал "Синий иней" аттуу ырды жаңы аранжировка менен балеттин коштоосунда тартуулады.
Ырчы калыстардын тобу берчү 40 упайдын 39ун алды. Ал эми залдагы көрүүчүлөрдүн 8,97 упайына (орточо баалоо) татыды. Жалпы 47,97 упайга ээ болду.
Ал буга чейинки турларда дагы эң мыкты аткаруулары менен калыстардын жогорку баасына татып келген. Соңку турларда "Фабрика звезд" долбоорунун жеңүүчүсү Дмитрий Колдун менен "Царевна", андан кийин Александр Басилая жана Юрий Ряшенцевдин "Арго" аталышындагы ырын тартуулаган.