20-кылымдын чыгаан кыл кыякчысы Саид Бекмуратов азыркы Ош облусунун Кара-Суу районуна караштуу Жыл-Келди айылында туулган. Ал чоң атасы Калымбеттен кыл кыяк тартканды үйрөнгөн.
1939-жылы Москвада өткөн кыргыз искусствосунун биринчи декадасына активдүү катышкандыгы үчүн Саид Бекмуратовго Кыргыз ССРинин эмгек сиңирген артисти деген ардактуу наам берилген. ОШондой эле, Москвада өткөн кыргыз искусствосу менен адабиятынын экинчи декадасына да катышкан (1958).
Улуу Ата Мекендик согуштун жылдарында Саид Бекмуратов Муса Баетов жана башка музыканттар менен бирдикте экинчи патрондук-концерттик бригаданын составында Брянск жана Калинин фронтторунун жоокерлерине концерт берген.
I960—1964-жылдарда. С.Бекмуратов М.Күрөңкеев атындагы Кыргыз мамлекеттик музыкалык окуу жайында кыл кыяк классы боюнча сабак берген. Анын окуучулары Кыргыз Республикасынын эмгек сиңирген артисттери Чалагыз Исабаев менен Толтой Мураталиевдер болгон.