БИШКЕК, 28-ноя. — Sputnik. Президент Садыр Жапаров бүгүн, 27-ноябрда, иш сапары менен Казакстанга барды. Бул тууралуу мамлекет башчынын маалымат кызматынан кабарлашты.
Мамлекет башчысын Астананын эл аралык аэропортунан Казакстандын премьер-министри Олжас Бектенов жана башка расмий адамдар тосуп алышты.
Аэропорттун флагштокторуна Жамааттык коопсуздук жөнүндө келишим уюмуна (ЖККУ) кирген мамлекеттердин желектери илинген, килем төшөлүп, Ардак кароолдун ротасы тизилди.
Иш сапардын алкагында президент Садыр Жапаров ЖККУнун Жамааттык коопсуздук кеңешинин кезектеги сессиясына катышат.