«Кыргызсериал» бирикмеси Кыргызстандын укук коргоо органдарынын татаал жана оор иши тууралуу 14 сериялуу «Тайган» детективдик сериалын тартты. Бул сериал жаш муундарды патриоттук сезимди күчөтүүгө, ата-мекенди сүйүүгө, мыйзамды сактоого тарбиялоого багытталган.
Сериалдын продюсери Улан Касымов, сценарийдин авторлору Амантай Рахатов жана Эркин Үсөнбаев, режиссеру Эркин Үсөнбаев, оператору Владимир Спевак, сүрөтчүсү Нурсултан Райкан уулу, башкы ролдордо Руслан Орозакунов, Султан Торугелдиев, Эльзада Исмаилова жана башкалар.