БИШКЕК, 26-ноя. — Sputnik. Бишкекте жеңил унаа менен автобус сүзүшүп, 8 адам жабыркады. Бул тууралуу муниципалитеттен кабарлашты.
Маалыматка ылайык, жабыр тарткандардын бешөө автобустун, үчөө жеңил унаанын жүргүнчүлөрү болгон.
"Барпы Алыкулов менен Жайыл баатыр көчөлөрүнүн кесилишинде чыгыштан батышка катуу бара жаткан Mercedes-Benz маркасындагы унаа муниципалдык автобусту сүзгөн", — деп жазылган маалыматта.
Жеринде Жол коопсуздугун камсыздоо башкармалыгынын кызматкерлери иш алып барып жатканы кошумчаланды.