БИШКЕК, 24-ноя. — Sputnik. Кыргызгидромет алдыдагы жумада өлкө аймагында күтүлгөн аба ырайы тууралуу маалымат берди.
Ага ылайык, көпчүлүк жерде күн жылып, жаан-чачын болбойт. Бишкек, Ош, Жалал-Абад шаарларында күн 15-17 градуска чейин жылыйт. Борбор калаада бейшемби күнү абанын температурасы 19 градуска чейин жетет. Ошондой эле Бишкекте 29-ноябрда күндүз жаан жаашы мүмкүн.
Чүй, Талас
29-ноябрда күндүз жана 30-ноябрда түнкүсүн айрым жерлерде жаан, тоолуу райондордо кар жаашы күтүлөт. Тоо этектеринде жана тоолуу райондордо жолдор тоңголок жана тайгак болот.
Ош
Облустун аймагында жума ичи күн ачык болуп, жаан-чачын күтүлбөйт.
Жалал-Абад, Баткен
29-ноябрда күндүз жана 30-ноябрда түнкүсүн айрым жерлерде жаан, тоолуу райондордо кар жаашы күтүлөт. Калган күндөрү күн ачык болот.
Ысык-Көл, Нарын
Түндүк аймактарында жаан, кар жаабайт деп болжолдонду. Бирок тоо этектеринде жана тоолуу райондордо жолдор тоңголок жана тайгак болот.