Учурда «Бишкек жылуулук тармагы» муниципалдык ишканасы штаттык режимде иштеп жатат. 2024-2025-жылдардагы жылытуу мезгилине ийгиликтүү даярдануу максатында түтүктөрдү алмаштыруу, капиталдык курулуш иштерин жүргүздү. Бүгүнкү күндө «Бишкек жылуулук тармагы» 3500дөн ашуун турак үйдү, анын ичинде жеке секторду, жылуулук менен камсыз кылып келет, бул 141 миңден ашык абонентти түзөт. Ошондой эле ишкана өзүнүн жаңыланган жаңы мобилдик тиркемесин ишке киргизди. Жылуулук менен камсыздоо системасын жакшыртуу боюнча кандай иштер жүргүзүлүүдө? Көп кабаттуу үйлөрдүн тургундары кышка кантип даярдануу керек? Суу эсептегичти кантип орнотууга болот?
ушул жана башка суроолорубузга «Бишкек жылуулук тармагы» муниципалдык ишканасынын Теңдем жана талдоо бөлүмүнүн башчысы Рустам Ишекеев жооп берди.