Кыргызстанда жакынкы мезгилдери 70 бала бакча жана балдардын 300 борбору ачыларын билим берүү жана илим министри Догдуркүл Кендирбаева Бишкекте өтүп жаткан Борбор Азиянын ЖОЖдорунун ректорлорунун жыйынында билдирди. Кара-Кыргыз автономиялуу облусунун 100 жылдыгына арналган бул иш-чара "Глобалдуу маселелер маалында Борбор Азия университеттеринин өзгөрүшү" деп аталды. Министр президенттин колдоосу менен билим берүү жана илим тармагына салынган инвестиция арбып жатканын белгиледи. "Жакында биздин өкмөт балдардын кыска мөөнөттүү 300 борборун жана мектепке чейинки билим берүүчү 70 жайды ачат", — деди Кендирбаева.
Бишкекте ыш көйгөйү төрт мезгилде тең бар. Бул тууралуу Жаратылыш ресурстары, экология жана техникалык көзөмөл министрлигинин атмосфералык абаны коргоо бөлүмүнүн башкы адиси Чыңгызбек Абдумалик уулу Sputnik Кыргызстан радиосунун эфиринде маек куруп жатып билдирди. Анын айтымында, абаны булгагандарга быйыл жалпы 2 миллион 619 миң айып салынган. "Ыш — төрт мезгилдин тең көйгөйү. Мындан улам биздин кызматкерлер тынбай иш жүргүзүшөт. Пландык рейддер жүрөт. Мыйзам бузуу аныкталганда 7,5 миң сомдон 23 миң сомго чейин айып салынат. Быйыл 122 мекеме текшерилип, жыйынтыгында 1 миллион 857 миң сом айып салынды. Муну менен катар быйыл атайын каражаттын жардамы менен 1500 унаа текшерилди. Жыйынтыгында талапка жооп бербеген унаалардын айдоочуларына жалпы 762 миң сом айып салынды", — деди Абдумалик уулу. Ошондой эле ал мыйзамда көрсөтүлгөн эрежелер так сакталса ыш көйгөйү өзү эле жоголорун кошумчалады.
Улуттук филармониядагы уникалдуу музыкалык аспап — орган 9 млн сомго оңдолду. Бул тууралуу Маданият министрлигинин басма сөз кызматы кабарлады. Маалыматка ылайык, уникалдуу музыкалык аспап Борбор Азиядагы жалгыз органды Москвадан келген жогорку квалицикациялуу адистер оңдоп, калыбына келтирген. Анын жыйынтыгы менен Токтогул Сатылганов атындагы Кыргыз Улуттук филармониясынын Кичи презентация болуп өттү. Маданият министрлигинин кабарлашынча Улуттук филармониянын органы мындан жарым кылым мурун орнотулган. Музыкалык аспап эми Филармониянын репертуарын кеңейтүүгө, уникалдуу концерттерди кайра жандандырууга салымын кошот.
Киевдин ыраакка атылуучу ATACMS ракеталарын Брянск облусуна каршы колдонушу АКШнын абалды курчутууга ыктаганын билдирет. Бул тууралуу Россиянын тышкы иштер министри Сергей Лавров Бразилияда өтүп жаткан "Чоң жыйырмалыктын" саммитинин алкагында журналисттердин суроолоруна жооп берип жатып айтты. "ATACMS ракеталарынын түндө Брянск облусуна сокку уруу үчүн бир нече ирет пайдаланылышы — алардын кырдаалды курчутуу ниетин көрсөткөн белги", — деди дипломат. Министр бул жогорку технологиялык ракеталарды америкалыктарсыз колдонуу мүмкүн эмес экенин белгилеп, АКШга Россиянын өзөктүк доктринасын жакшылап окуп чыгууну сунуштады. Эскерте кетсек, түндө Украина Куралдуу күчтөрү ATACMS ракетасы менен Брянскидеги объектилерге алты ирет чабуул жасаган. С-400 жана "Панцирь" система