Президент Садыр Жапаров бүгүн, 18-ноябрда, “Үч чоку” тоо лыжа кластерин ишке ашырууга арналган жумушчу кеңешме өткөрдү. Бул тууралуу өлкө башчынын маалымат кызматы билдирди.Ага ылайык, Жыргалаң, Боз-Учук жана Ак-Булак чокуларындагы жер тилкелери “Кыргыз Куршевель” мамлекеттик ишканасына өткөрүп берилип, геологиялык жана экологиялык изилдөөлөр жүргүзүлгөн. Тоо лыжа базасын куруунун биринчи этабын 2030-жылга чейин аяктоо пландалууда. Мында 60 чакырымдык лыжа трассасы жана алты асма жол курулат. Мындан тышкары, туристтерге ыңгайлуу болушу үчүн мейманканалар, ресторандар, этношаарчалар, конференц-залдар, башка эс алуу аянтчалары камтылган комплекстүү инфраструктура түзүлөт.Долбоор Ысык-Көл облусундагы үч тоо чокусун камтыйт. Алар: Жыргалаң, Ак-Булак жана Боз-Учук. Планга ылайык, бул жерлерде жалпы узундугу 200 чакырымды түзгөн лыжа трассалары курулат.Долбоор ишке ашкандан кийин 4,8 миң жумушчу орун түзүлөрү күтүлүүдө. Аталган курорттор жылына 10 ай иштеп, 850 миңге чейин турист бара алат.
"Социалдык келишим" программасынын катышуучулары бизнес-долбоорлорун негизинен айыл чарба жана кайра иштетүү жаатында жазып, иштеп жатышат. Бул туурасында Эмгек, социалдык камсыздоо жана миграция министрлигинен билдиришти.Жалпысынан алганда Кыргызстанда үч жылда 32 миңден ашуун үй-бүлө социалдык келишим түзгөн.Жыл башында 2024-жылы "Социалдык келишим" долбоорунун алкагында 20 миң үй-бүлөгө 100 миң сомдон берилери, буга мамлекеттик бюджеттен 2 миллиард сом бөлүнөрү айтылган.Белгилей кетсек, "Социалдык келишим" долбоору президент Садыр Жапаровдун демилгеси менен калктын турмуш-тиричилиги начар катмарына жардам көрсөтүү чараларынын бири катары 2022-жылдан бери ишке ашып келет.
Кыргызстандын сыр жана быштагы экспортко негизинен ЕАЭБ өлкөлөрүнө кетет. Бул маалыматты Статком жарыялады.Өлкө январь-сентябрь ичинде бул азыктардын 1 525,5 тоннасын тышка саткан. Импортчулар Казакстан — 1,42 тонна; Россия — 339 тонна; Өзбекстан — 144,5 тоннаМындан сырткары, 4,8 миң сомдук быштак, сыр Беларуска кеткен. Эске салсак, Өзбекстанды кошпогондо, жогорудагы өлкөлөр — Евразиялык экономикалык биримдиктин мүчөлөрү.
РФ ТИМ башчысы Сергей Лавров G20 саммитинде Россиянын азык-түлүк коопсуздугун камсыздоо боюнча иши тууралуу айтып бергенин РИА Новости Мария Захаровага шилтеме берип жазды.Захарованын айтымында, министр жакырчылык менен ачарчылыкка арналган биринчи пленардык жыйында сүйлөгөн.“Россия делегациясынын башчысы Бразилиянын ачарчылык жана жакырчылык менен күрөшүү боюнча Глобалдык альянс түзүү демилгесин колдоп, өлкөбүздүн өнүгүп келе жаткан мамлекеттерде азык-түлүк коопсуздугун камсыздоо аракеттери жөнүндө айтып берди. Глобалдык өнүгүүдө БРИКСтин олуттуу салымын белгиледи”, — деп билдирген дипломат. G20 лидерлеринин саммити 18-19-ноябрь күндөрү Рио-де-Жанейродо өтүүдө. Лавров Владимир Путиндин тапшырмасы менен Россия делегациясын жетектейт.