БИШКЕК, 16-ноя. — Sputnik. Кыргызстандын футбол боюнча жаштар курама командасы (20 жашка чейинкилер) Кытайда өткөн беттеште монголиялыктарды утуп алды. Бул тууралуу Футбол федерациясынан кабарлашты.
Оюн Panda Cup эл аралык турниринин алкагында өтүп, эсеп 7:0 болгон.
Кыргызстандын командасы эки турдун жыйынтыгы боюнча үч упай топтоду. Ал эми биринчи беттеште Австралиянын футболчуларына 2:4 эсебинде жеңилип калышкан.
Жыйынтыктоочу оюн Кытайдын командасы менен өтөт.