Бүгүн болсо шайлоо участокторунан сырткары добуш берүү жүрүп жатат. Борбордук шайлоо комиссиясынын маалыматына ылайык, өлкөнүн шайлоо комиссияларына сырттан добуш берүү үчүн 9 538 арыз түшкөн.Ошентип, 2 437 участкалык шайлоо комиссиясынын ичинен 1 129 комиссия сырттан добуш берүү өткөрүүдө. Сырттан добуш берүү саат 08:00дөн кечки 20:00гө чейинки аралыкта гана жүргүзүлөт.
Жогорку Кеңештин төрагасы Нурланбек Шакиев Аксы районуна болгон жумушчу сапарынын алкагында Жерге-Тал айылында жаңы курулган 100 орундуу бала бакчанын ачылышына катышты. Бул тууралуу парламенттен билдиришти. Маалыматка ылайык, аталган бала бакчанын курулушу 2022-жылы башталган. Ага “Ассанабиль” кайрымдуулук фонду каржылык жардам көрсөтүп, Нурланбек Шакиев өзүнүн резервдик фондунан да акча бөлгөн. Ачылыш аземинин алкагында жергиликтүү эл менен баарлашкан төрага өлкөдө жүргүзүлүп жаткан реформаларга токтолуп, республика боюнча акыркы жылдары мектеп, бала бакча, оорукана өңдүү жаңы социалдык мекемелерди курууга өзгөчө көңүл бурулуп жатканын белгиледи. Муну менен катар өлкөдөгү стабилдүүлүк жана ички ынтымак мамлекеттин өнүгүшүнө өбөлгө түзөрүн да кошумчалады.
"Евразия" тармактык университети Россиянын жана КМШ өлкөлөрүнүн жаштарын "Евразиялык маданий коддор — ийгиликтүү бизнес-идеянын негизги принциби" аттуу алгачкы билим берүү курсун акысыз окууга чакырат. Бүтүрүүчүлөргө Москва мамлекеттик эл аралык мамилелер институтунун сертификаттары, россиялык ири компанияларда такшалуу мүмкүнчүлүгү жана "Евразия" автономдуу коммерциялык эмес уюмунун бизнес-идеяларын ишке ашыруу үчүн гранттар берилет. Россиянын Мамлекеттик Думасынын төрагасынын орун басары жана университеттин илимий жетекчиси Борис Чернышов "Евразия" университети үчүн социалдык компонент өзгөчө маанилүү экенин белгиледи. Өзгөчө бизнес-идеясы бар 18-35 жаштагы адамдар "Евразия" университетинин студенттери боло алышат. Жогорку окуу жай жол кире, жатакана жана тамак-ашка кеткен чыгымдарды төлөйт. Жыл сайын төрт курс өткөрүлөт, алардын ар бири 100-150 адамды окутууну камтыйт. Арыздар "Евразия" университетинин сайтында кабыл алынат.
АКШнын жаңы шайланган президенти Дональд Трамп Ак үйдүн тарыхындагы эң жаш маалымат катчыны, 27 жаштагы Кэролайн Ливитти дайындады. Бул туурасында РИА Новости жазды.“АКШнын 45 жана 47-президенти Дональд Трамп Кэролайн Ливитт Ак үйдүн маалымат катчысы болорун жарыялады. Кэролайн буга чейин Дональд Трамптын шайлоо өнөктүгү боюнча коомдук байланышка жооптуу болуп, анын пресс-катчысынын жардамчысы болуп иштеген”, — деп айтылат маалыматта. Буга чейин тарыхтагы эң жаш маалымат катчынын кызматын 1969-жылы 29 жаштагы Ричард Никсон аркалаган.