БИШКЕК, 13-ноя. — Sputnik. Үстүбүздөгү жылдын 18-декабрынан баштап жүргүнчүлөрдү ташыган Бишкек — Москва поезд каттамы жанданат. Бул тууралуу "Кыргыз темир жолу" кабарлады.
Каттам Москва шаарынын Павелецкий вокзалына барат.
Бишкектен шаршемби жана ишемби күндөрү чыгып, ишемби жана шейшемби күндөрү Москвага жетет. Москвадан жекшемби жана шаршемби күндөрү Бишкекке жөнөйт.
Билет баалары жүргүнчүнүн жашына, вагондордун категориясына, каттоо түрүнө жана акча алмаштыруу курсуна байланыштуу болот.
Бишкек — Москва каттамы:
10 жаштан жогорку курактагы жүргүнчүлөргө 11 000 сомдон башталат;
5 жаштан 10 жашка чейинки балдарга 5 200 сомдон башталат;
5 жашка чейинки балдарга акысыз.
Бишкек — Казань каттамы:
10 жаштан жогорку курактагы жүргүнчүлөргө 10 000 сомдон башталат;
5 жаштан 10 жашка чейинки балдарга 4 700 сомдон башталат;
5 жашка чейинки балдарга акысыз.
Бишкек — Новосибирск каттамы:
10 жаштан жогорку курактагы жүргүнчүлөргө 8 000 сомдон башталат;
5 жаштан 10 жашка чейинки балдарга 4 100 сомдон башталат;
5 жашка чейинки балдарга акысыз.
Шарт-талаптар:
5 жашка чейинки бир балага өзүнчө орун бербестен чоң адам акысыз алып кете алат;
колдогу жүктүн салмагы 39 килограммдан ашпаса акысыз, ал эми үч жагынан өлчөмү 200 сантиметрди түзүп, салмагы 14 килограммдан ашпаган жүктү акы төлөп алып кетүүгө болот;
кол жүгүнүн нормасынын салмагына жана өлчөмүнө демонтаждалган моторсуз велосипед, аудио жана видеоаппаратуралар да кирет;
кол жүктүн белгиленген нормасынан ашыкча чыга турган балдар коляскасын жана мүмкүнчүлүгү чектелген адамдардын кыймылы үчүн зарыл болгон жабдуулар бекер ташылат;
кол жүгүнүн салмагынын жана өлчөмүнүн нормасына ылайык, атайын контейнерге салынган үй жаныбарларын (канаттууларды, иттерди, мышыктарды) бекер ташууга мүмкүн. Эгерде сиз купедеги бардык төрт орундун акысын төлөсөңүз экиден ашпаган чоң породадагы иттерди купеге алып кирүүгө уруксат берилет;
бардык класстагы вагондордо көрүүсү начар жүргүнчүлөргө жол көрсөтүүчү иттер бекер ташылат;
билеттин баасына шейшептин топтому кирет;
поезд жөнөгөнгө бир сутка калганда билеттин акчасын толук кайтаруу мүмкүнчүлүгү бар;
поезд жөнөгөнгө чейин 24 сааттан азыраак убакта билеттин акчасын жарым-жартылай кайтарууга болот.
Толгураак маалымат алуу үчүн төмөнкү тынымсыз иштеген телефондорго кайрылыңыз:
0(705) 076696 WhatsApp;
(0312) 30-02-09; 30-03-76.