Кыргызстандын бийик тоолуу жана алыскы аймактарындагы үй-бүлөлөр үчүн эне капиталы 1-январдан тарта күчүнө кирерин Камчыбек Ташиев айтты. Ал мурдараак мамлекет ар бир төртүнчү балага 100 миң сом, бешинчи балага 600 миң сом, жетинчиге 1 миллион сом, сегизинчи жана тогузунчу балдарга 1,5 миллион сом, онунчу балага 2 миллион сом берүүнү пландап жатканын билдирген.УКМК төрагасы кечээ Оштогу үч эм наристелүү болгон үй-бүлө менен жолугуп, аларга үч бөлмөлүү батирдин сертификатын, 500 миң сом, ноутбук жана башка белек-бечкек тапшырган. Балдардын атасы Жаза аткаруу кызматында иштесе, энеси — үй кожойкеси. Өткөн аптада Ташиев Нарында жарык дүйнөгө келген үч эмди барып көрүп, ата-энесине 500 миң сом жана үч бөлмөлүү батирдин ачкычын тапшырган.
Евразиялык экономикалык биримдик үчүн жаңы өнөктөштөрдү аныктоо иштери жүрүп жатат. Бул тууралуу Евразия экономикалык комиссиясынын соода министри Андрей Слепнев билдирди.Ал Эл аралык мамилелер боюнча Москва мамлекеттик институтунун студенттеринин алдында сүйлөп жатып, Вьетнам, Сербия, Иран менен түзүлгөн эркин соода келишимдери кандай иштеп жатканын айтып берди. Ошондой эле ЕАЭБ — Кытай соода-экономикалык кызматташуусу боюнча преференциялык келишими тууралуу маалымат берди.Слепнев Монголия менен кол коюуга даярдалып жаткан документ, БАЭ менен болгон сүйлөшүүлөр, Индонезия, Египет жана Индия менен келишимдер иштелип жатканын белгиледи.
Легендалуу парламенттин депутаты, коомдук жана саясий ишмер, саяпкер Кемел Ашыралиев кыргыздын кымызын дүйнөгө таанытып, анын касиетин даңазалоо керектигин айтты. Бишкекте кымыз борборун түзүп, көрүнгөн жерде саттырбаш керек. Ичинде кымыздын сапатын текшерген лаборатория ачып, республикадан келген бардык кымызды бир жерге топтоо зарыл.Анын айтымында, борбор түзүлсө туристтерди тартууга, жакшы кымызды тандоого, дарылык касиетин алууга мүмкүнчүлүк болот.Ошондой эле ал ар бир кыргыз баласы ат минип турушу керектигин кошумчалады.
Миллиардер Илон Маск Дональд Трамптын келечектеги администрациясын түптөөдө маанилүү адамдардан болуп калмакчы. Бул туурасында РИА Новости билдирди.Макалада шайлоодогу жеңиштен кийин Маск саясатчынын Мар-а-Лагодогу поместьесинен чыкпай калганын, муну менен анын кадр маселесине, стратегиясына таасирин тийгизип жатканы айтылган. Маалымат булактар анын Трамп чет элдик эки лидер менен телефондон сүйлөшкөндө да жанында болгонун билдиришти. ABC телеканалы Трамп Владимир Зеленский менен сүйлөшүп жатканда Украинанын башчысы менен кырдаалды түзмө-түз талкуулаш үчүн трубканы Маскка бергенин билдирди. Миллиардер Түркия лидери Режеп Тайип Эрдоган менен сүйлөшүп жатканда да ошол жерде болгон. Маск, мындан сырткары, Американын ички маселелерин талкуулоого да батыл катышууда. Жекшемби күнү республикачы сенатор Рик Скоттун Сенатка шайлануусун элдин көзүнчө колдоп чыккан.