Иш-чарага Кыргыз-Россия Славян университетинин, Кыргыз эл аралык универсалдуу колледжинин, Кыргыз улуттук университетинин студенттери катышты.
Кызжибек Раимова заманбап журналист санариптик каражаттарды колдонууну билиши керектигин түшүндүрдү. Бул үчүн видео, сүрөттү сапаттуу тартуу, аны социалдык тармактарга ыкчам таратуу кажет экенин белгиледи. Ошондой эле кабарларды тактоо, фейк маалыматтардын жетегине түшпөө ыкмаларын айтты.
Алимжан Валиев студенттерге маалымат жыйындардын жүрүшү тууралуу дагы айтып берди. Журналист жазып жаткан текстти өзү 100 пайызга түшүнүшү керектиги, бул үчүн келечектеги журналисттерге маалымат жыйын тууралуу да түшүндүрмө берилип, анын жүрүшүндө түшүнүксүз терминдер болсо тартынбай суроо берип, тактоо керектиги белгиленди.
Студенттер журналистика кесиби тууралуу буга чейин сыртынан угуп келишкен болсо, бүгүнкү мастер-класста бул кесиптин "ички сырын" биле алышканын айтышты.
SputnikPro — бул өз тармагынын адистери билими, иш тажрыйбасы менен пресс-катчы, журналист жана ЖОЖдун студенттерине бөлүшүү үчүн уюштурулган мастер-класс. Долбоор 2018-жылдын жаз айларында башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.
Sputnik Кыргызстан өз ишин 2014-жылдын декабрь айында баштаган. Агенттиктин активинде кыргыз жана орус тилдериндеги маалымат порталы, радиоресурс жана жогорку технологиялык мультимедиалык маалымат борбору бар.
Тема боюнча: