БИШКЕК, 10-ноя. — Sputnik. "Аалам сулуусу" эл аралык сынагына Кыргызстандан Майя Турдалиева катышат.
Турдалиева сынакка кие турган костюмунун сүрөтүн соцтармактагы баракчасына жарыялады. Анда авторлор ак илбирсти чагылдырган кийим аркылуу калктын биримдигин, маданиятын көрсөтүүнү көздөшкөн.
Сынак 16-ноябрда Мексикада өтөт. Учурда кыргызстандык бийкеч аталган өлкөдө башка катышуучулар менен чогуу даярданууда.
Айта кетсек, 2023-жылы "Кыргызстан сулуусу" сынагын үч бийкеч жеңип алган. Анын бири Майя Турдалиева "Аалам сулуусу" эла аралык сынагына катышуу укугун алган.