"Россияда эмгектенип жүргөн жарандарыбыздын 70 пайызы Москва шаарына жана облусуна барат. Көбүнчө өлкөнүн түштүк аймактарынан кетишкендиктен Россия тарап менен сүйлөшүп, борбордун алгачкы филиалын Ош шаарында ачууну туура көрдүк. Бул үчүн шаардык мэриядан атайын имарат сунушталып, учурда анын техникалык мүнөздөмөлөрү (электр энергиясы, канализация, жылуулук берүү) каралууда. Имаратты алар өз эсебинен ремонттон өткөрүп, керектүү жабдуулар менен камсыздап ишин баштайт. Ал жерден медициналык текшерүүдөн, дактилоскопиялык каттоодон өтүү жана башка ушул сыяктуу процедуралардан өтө алышат. Тагыраагы, жарандарда Москвага баргандан кийин дароо ишке орношуу мүмкүнчүлүгү болот. Бирок борбордо Москва жана Москва облусундагы жумуштарга иштей турган жарандарга гана кызматтар көрсөтүлөт. Ал эми Россиянын башка шаарлары федералдык деңгээлде каралат", — деди Каримов.