Нарын дарыясына секирип кетип, дайынсыз болуп жаткан өспүрүм кызды издөөгө бүгүн 54 адам чыкты. Бул тууралуу Өзгөчө кырдаалдар министрлигинен билдиришти. Маалыматка ылайык, издөө иштерине ӨКМден 15 куткаруучу жана Ички иштер министлигинен 28 кызматкер, жергиликтүү тургундардан 11 адам, жалпы 54 адам тартылды. Белгилей кетсек, Нарын шаарында 2-ноябрь күнү Жаңы-Жол тилкесиндеги көпүрөдөн 2007-жылы туулган Т.Э. аттуу өспүрүм кыз Нарын дарыясына секирип кеткендиги тууралуу маалымат түшкөн. Ошол күндөн бери издөө уланууда. Кошумча маалымат берилет.
Мамлекеттик башкаруу академиясынын жаңы экономика боюнча илим-изилдөө кафедрасынын жетекчиси, экономист Улукман Мамытов ЕАЭБ 10 жылда өзүн тез өнүгүп бара жаткан экономикалык уюм катары көрсөтө алганын айтты. ЕАЭБ өлкөлөрүнүн соода жүгүртүүсү 7,5 триллион рублге жетти. Бул абдан чоң көрсөткүч.Анын айтымында, кошуна мамлекеттер менен алаканы чыңдоодо экономика жакшы курал болуп бере алат жана ЕАЭБ уюму өзүнүн бул милдетин мыкты аткарууда. Экономист ЕАЭБге 10 жыл толгону менен бул тарыхый жактан алып караганда аз убакыт болорун кошумчалады.
Кыргызстан боюнча туристтер үчүн 40 тейлөө борбору курулат. Бул тууралуу бүгүн, 7-ноябрда министрлер кабинетинин төрагасы Акылбек Жапаров жалпыга маалымдоо каражаттарынын өкүлдөрү менен болгон жолугушууда билдирди. Министрлер кабинетинин башчысынын айтымында, туризмди өнүктүрүү боюнча чоң аракеттер көрүлүүдө. «Туризмди өнүктүрүү үчүн жолдорду куруп, тейлөө борборлорун түзүп жатабыз. Маселен, Токмок жана Кара-Балта шаарларынын жолдорун курууга 1 миллиард сом бөлүнгөн. Мунун баары туристтерди тартуу үчүн жасалып жатат», — деп түшүндүрдү ал. Жапаров ошондой эле Кыргызстандан Өзбекстанга 5 миллион турист барганын кошумчалады.
Кыргызстандын алты жогорку окуу жайы Азиянын мыкты университеттеринин катарына кирди. Бул тууралуу Билим берүү жана илим министрлигинен билдиришти. Маалыматка ылайык, Азиянын 2025-жылдагы мыкты университеттеринин жаңы рейтинги QS ASIA UNIVERSITY RANKINGS 2025 жарыяланып, тизмеге жалпысынан 984 университет кирген. Кыргызстан ЖОЖдорунун ээлеген орду боюнчаКыргыз-түрк "Манас" университети 230-орунду,Ош мамлекеттик университети жана Борбор Азиядагы Америка университети 260-орундуКыргыз-Россия Славян университети 333-орундуКыргыз улуттук университети жана Кыргыз мамлекеттик техникалык университети 381-орунду ээледи."Бул жыйынтык – биздин өлкө үчүн рекорд жана акыркы эки-үч жылда өлкө жетекчилиги тарабынан кесиптик жогорку билим берүү багытында жасалган жумуштардын натыйжасы", — деген министрдин орун басары Расул Абазбек уулу.
АКШ президенти Жозеф Байдендин администрациясы Украинага жардам иретинде деп соңку 6 миллиард долларын шашылыш түрдө жөнөтүүнү пландоодо. Бул тууралуу Politico басылмасынын баяндамачысы Жек Детч айтканын RT маалымдады.Детчтин айтымында, бийликтен кете турган команда курал-жарак жөнөтүүнү токтотууга даярдык көрүүдө. The Spectator басылмасы АКШдагы президенттик шайлоодон Дональд Трамптын жеңиши Украинадагы согуштун токтошунун башталышы экенин жазган. ЖМК атайын операциялар учурунда Киев алдырып жиберген аймактарын кайра кайтарып алуу ыктымалдуулугу нөлдөн да төмөн деп белгилеген.