БИШКЕК, 4-ноя. — Sputnik. Бүгүн, 4-ноябрда, Түркиянын президенти Режеп Тайип Эрдоган Кыргызстанга мамлекеттик сапар менен келди. Бул тууралуу президенттин маалымат кызматы кабарлады.
Түрк лидерин эл аралык "Манас" аэропортунан өлкө башчы Садыр Жапаров өзү тосуп алды. Президенттерди биринчи айымдар коштоп жүрөт.
Саламдашуудан кийин түркиялык конокторго кыргыз жана түрк музыкалык чыгармаларын аткарган кыргыз артисттеринин концерттик программасы көрсөтүлдү.
Буга чейин өлкө башчылары тар форматта сүйлөшүп, Стратегиялык кызматташуунун жогорку кеңешинин алтынчы жыйынын өткөрөрү айтылган. Мындан тышкары, Эрдоган 6-ноябрда Бишкекте өтө турган Түрк мамлекеттер уюмунун саммитине катышары маалым.