Түрк мамлекеттер уюмунун саммити: 4 миң милиция коопсуздук көзөмөлдөйтПутин Улуттук биримдик күнүнө карата Кызыл аянтка бардыПрофсоюздар федерациясынан 2 млрд. сомдук мыйзам бузуу аныкталдыАлдыда кененирээкКесиптик кошуундар федерациясынан 2 миллиард сомдон ашуун финансылык бузуу аныкталды. Бул тууралуу Эсеп палатасынан билдиришти. Маалыматка ылайык, уюмдун 2013-жылдан 2022-жылга чейинки ишмердүүлүгү текшерилген. Анда кыймылсыз мүлктөрдү сатуу, менчиктештирүү, ижарага берүү жана мүчөлүк акыдан түшкөн каражаттардын пайдаланылышы камтылган. Текшерүүнүн жүрүшүндө жалпы суммасы 2 миллиард 58 миллион сом жана 25,6 миң долларлык финансылык мыйзам бузуу аныкталган. "Мыйзамга ылайык, кесиптик бирликтер мүлктү, каражаттарды пайдаланууга жана тескөөгө укуктуу. Бирок кесиптик бирликтердин мүлкү менчиктештирилбейт. Анткени ал элдики болуп эсептелет. Буга карабастан кесиптик бирликтерге таандык 86,58 гектар жер сатылып кеткен", — деп айтылат маалыматта. Мыйзам бузууларды эске алуу менен Башкы прокуратура жана УКМК жерлерди кайтаруу боюнча иштерди жүргүзүп жатканы белгиленди.
Түрк мамлекеттер уюмунун мамлекет башчыларынын 11-саммити жана Түркия президенти Режеп Тайип Эрдогандын мамлекеттик сапары учурунда 4 миңден ашуун милиция кызматкери коомдук тартипти сактоону камсыз кылат. Бул тууралуу ички иштер министрлигинен кабарлашты. 5-6-ноябрда Бишкекте Түрк мамлекеттер уюмунун президенттеринин саммити өтөт жана Түркиянын президенти Режеп Тайып Эрдоган Кыргызстанга мамлекеттик сапар менен келет. Ички иштер министрлиги тарабынан коопсуздукту жана коомдук тартипти талаптагыдай камсыз кылуу максатында оперативдүү штаб түзүлдү. Ички иштер органдарынын өздүк курамы жогорулатылган режимде кызмат өтөйт. Расмий жана салтанаттуу иш-чаралар өтө турган жерлер өзгөчө көзөмөлгө алынат. Бул иш-чараларды өткөрүү мезгилинде жолдордун айрым жерлеринде маал-маалы транспорт каражаттарынын кыймылы чектелет.
15-ноябрда Бишкектеги Дөлөн Өүрзаков атындагы стадиондо «Чексиз спорт» пара марафону өтөт. Бул тууралуу Дене трабия жана спорт департаменти билдирди. Дене трабия жана спорт департаментинин маалыматына караганда, пара марафонду Олимпиадалык спорт түрлөрү боюнча дирекциясы, «Кыргызстан улуттук паралимпиадалык комитети» коомдук бирикмеси, «Жеңил атлетика федерациясы», жана «Дүйнөлүк марафон дирекциясы» коомдук бирикмеси уюштурууда. Марафондун максаты – сергек жашоо образын жайылтуу, калкты спортко тартуу жана эл аралык спорттук байланыштарды бекемдөө.
Владимир Путин Улуттук биримдик күнүнө карата Кызыл аянттагы Минин менен Пожарскийдин эстелигине гүл койду. Иш-чарага коомдук, жаштар жана диний уюмдардын өкүлдөрү катышты.Улуттук биримдик күнү жыл сайын 4-ноябрда белгиленет. Ал Россиянын Диндер аралык кеңешинин демилгеси менен түзүлүп, биринчи жолу 2005-жылы белгиленген. Майрам Кузьма (Козьма) Минин жана князь Дмитрий Пожарский жетектеген элдик кошуундар Москваны поляк баскынчыларынан бошоткон 1612-жылдагы окуялардын жаркын элесине арналат.ЭМИ ВАЛЮТА КУРСУ МЕНЕН ТААНЫШЫП АЛЫНЫЗДАР: Улуттук банктын билдирүүсү боюнча ушул тапта: 1 АКШ доллары 85 сом 80 тыйынга евро 93 сом 20 тыйынга рубль 88 тыйынга Казак тенгеси 18 тыйынга барабар МУНАЙ БААСЫ Бишкекте орточо эсеп менен алганда Аи 92 үлгүсүндөгү бензин 66 сом 90 тыйындан баштап, 67 сом 40 тыйынга чейин, Аи 95 үлгүсүндөгү күйүүчү май 74 сом 40 тыйындан 75 сом 40 тыйынга чейин, дизель майы 74 сом 80 тыйындан, 75 сом 30 тыйынга дейре, ал эми унаа газынын литри 37 сомдон сатылууда. АБА ЫРАЙЫ 5-ноябрга караган түнү көпчүлүк аймактарда жаан жаайт. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет. 5-ноябрь, шейшембиде көпчүлүк аймактарда жаан, тоолуу райондордо кар жаашы күтүлөт. Айрым жерлерде жаан катуу жаайт. Мындай маалыматты Кыргызгидромет таратты. Абанын температурасы Чүй менен Нарында +11...+16, Талас жергесинде +10...+15, Ош, Жалал-Абад жана Ысык-Көл аймактарында +14...+19, Баткен облусунда +13...+18 градус жылуу болот. Борбор калаада жана Ош шаарында мезгил-мезгили менен жаан жаап, күндүн табы Бишкекте +14...+16, Ош калаасында +17...+19 градуска чейин көтөрүлөт.