БИШКЕК, 3-ноя. — Sputnik. Мектептерде буллинг жана кибербуллингге каршы күрөш жүргүзүлөт. Билим берүү министрлиги тиешелүү буйрукка кол коюлганын билдирди.
Мекеменин "Буллингди жана кибербуллингди алдын алуу жөнүндө" буйругу 30-октябрда чыкканы айтылат.
Анда мындай чара окуучулардын ден соолугуна зыян келтирбей, түрдүү кемсинтүүлөр менен коркутууларды алдын алуу үчүн керектиги белгиленген.
Мугалимдер ата-энелер менен окуучуларга буллингди жана кибербуллингди алдын алуу тууралуу иштерди жүргүзүп, анын ичинде квадроберлердин (жаныбарларды тууроо), компьютердик оюндардын жана башка көрүнүштөрдүн зыяны тууралуу айтып беришет.