Президенттин "Мейкин" сыйлыгына талапкерлердин кыска тизмеси аныкталдыЖК мамлекеттик мейманканаларда казино ачууга уруксат берген долбоорду дароо үч окууда колдодуТашиев транспорт министрине түнү менен көпүрө оңдоону тапшырды. Алдыда кененирээкУКМК төрагасы Камчыбек Ташиев транспорт министрине Заречная айылында бузулуп калган көпүрөнү бир түндө оңдоп бүтүрүүнү тапшырды.Ал бүгүн Таш-Дөбө айлынын тургундарынан кабар алганы баратып, көпүрөнүн абалы үчүн транспорт министрин катуу урушканын билдирди. "Бүгүн бүтүрөсүң, бүтүрбөсөң өлөсүң, келип түнү менен жатасың дедим. Ишенбесеңер түндө барып карагыла, министр ошол жерге жатат", — деди элге Ташиев. УКМК башчысы ошондой эле айылдагы таза суу, транспорт жана бала бакча маселеси чечилерин айтып, мындай иштер мамлекетти тоногон чиновниктер азайганынан жасалып жатканын белгиледи.
Жогорку Кеңеш 30-октябрдагы жыйынында «Оюн-зоок иши жөнүндө» мыйзам долбоору үч окууда дароо карап, кабыл алды. Министрлер кабинетинин төрагасы тарабынан демилгеленген мыйзам долбоорун экономика жана коммерция министринин орун басары Гүлшат Асылбаева тааныштырды. Кыргызстанда мамлекеттик же жарым-жартылай мамлекеттик менчикте болгон мейманканаларда оюн-зоок жайларын ачууга уруксат берүү каралган мыйзам долбоору Жогорку Кеңешке 22-октябрда түшкөн. Сунушталган долбоордун негиздемесинде айтылгандай, мамлекеттик жана муниципалдык менчикте турган мейманканаларда оюн-зоок жайларын жайгаштыруу туристтердин агымын көбөйтүүгө гана эмес, ички жана эл аралык рыноктордо алардын атаандаштыкка жөндөмдүүлүгүн жогорулатууга да мүмкүндүк берет.
Президенттин медиа жана журналистика жаатында жыл сайын ыйгарылуучу "Мейкин" сый акысына талапкерлерди тандоо жана ыйгаруу боюнча комиссиянын курамы талапкерлердин кыска тизмесин аныктады. Бул тууралуу мамлекет башчынын маалымат кызматынан кабарлашты. Билдирүүдө мамлекеттик органдардан, көз карандысыз ЖМКлардан жана окуу жайлардын өкүлдөрүнөн түзүлгөн комиссия 150дөн ашык талапкердин арасынан тандоо жүргүзгөнү жазылган. "Президент ЖМК өкүлдөрү үчүн сынак өткөрүү демилгесин колдоду, анткени маалыматтуу коомду калыптандырууда көз карандысыз жана объективдүү журналистика маанилүү ролду ойнойт. Сынак биринчи жолу өтүп жатат, номинанттарды тандоо оңой болгон жок, бирок комиссия мыкты иштерди тандап алууга жетишти", - деген президенттик администрациянын маалыматтык саясат кызматынын жетекчиси Орунбеков. Сынактын жыйынтыгы салтанаттуу иш-чарада айтылары күтүлүп жатканы кошумчаланды.
ЕАЭБде транспорттук чөйрөдөгү "кууш коридорлорду" кеңейтүү пландалууда. Бул тууралуу ЕЭКтин энергетика жана инфраструктура министри Арзыбек Кожошев билдирген. Анын айтымында, ЕАЭБ 2024-2026-жылдарга карата комплекстүү планды ишке ашырууда. Жол картасы 33 пунктудан турат. Өкмөт башчылары анын ичинен транспорт чөйрөсүнө тиешелүү 11 долбоорду бекитишкен. Комплекстүү пландын негизги милдети — "кууш коридорлорду" кеңейтүү."Мисалы, товарлардын ири агымы Казакстандын "Достык" темир жол пункту аркылуу өтөт. Ал жерде "кууш коридор" делген жагдай орун алган. Башкача айтканда, жүктөр аябай жай өтүүдө", — деди министр. Ал казак тарап товардын кыймылын ылдамдатуу үчүн экинчи жолду курууну сунуштаганын кошумчалады.ЭМИ ВАЛЮТА КУРСУ МЕНЕН ТААНЫШЫП АЛЫНЫЗДАР: Улуттук банктын билдирүүсү боюнча ушул тапта: 1 АКШ доллары 85 сом 80 тыйынга евро 92 сом 83 тыйынга рубль 88 тыйынга Казак тенгеси 18 тыйынга барабар МУНАЙ БААСЫ Бишкекте орточо эсеп менен алганда Аи 92 үлгүсүндөгү бензин 66 сом 90 тыйындан баштап, 67 сом 40 тыйынга чейин, Аи 95 үлгүсүндөгү күйүүчү май 74 сом 40 тыйындан 75 сом 40 тыйынга чейин, дизель майы 74 сом 80 тыйындан, 75 сом 30 тыйынга дейре, ал эми унаа газынын литри 37 сомдон сатылууда.АБА ЫРАЙЫ 31-октябрга караган түнү жаан-чачын күтүлбөйт. Бийик тоолуу райондордо жолдор тоңголок жана тайгак болот 31-октябрда күн ачык болот. Түштүк-чыгыштан соккон шамладын ылдамдыгы секундасына 3-8 метрге жетет. Мындай маалыматты Кыргызгидромет таратты. Абанын температурасы Чүй, Баткенде +12...+17, Талас аймагында +11...+16, Ош, Жалал-Абад облустарында +13...+18, Ысык-Көл өрөөнүндө +6...+11, Нарын жергесинде +5...+10 градус жылуу болот. Күндүн табы борбор калаада жана Ош шаарында +11...+16 градуска чейин көтөрүлөт.