БИШКЕК, 29-окт. — Sputnik. ЕАЭБдин Түштүк Америка өлкөлөрү менен товар жүгүртүүсү дээрлик 30 пайызга өстү. Бул тууралуу ЕЭК коллегиясынын төрагасы Бакытжан Сагинтаев менен Аргентинанын Россиядагы элчиси Энрике Игнасио Феррер Виейранын жолугушуусунда белгилүү болду.
Январь-июнь айларындагы көрсөткүчтөр өткөн жылдын ушул мезгилине салыштырмалуу алынган.
Сагинтаев ЕАЭБ менен Түштүк Америка өлкөлөрүнүн ортосундагы соодалашуунун оң динамикасын белгиледи. Виейра өз кезегинде кызматташууну кеңейтүүгө кызыкдар экенин билдирген.