БИШКЕК, 28-окт. — Sputnik. Бишкекте Kia riо унаасынын айдоочусу сүзүп кеткен аял киши көз жумду. Бул тууралуу Бишкек ШИИБден билдиришти.
Маалыматка ылайык, кырсык 26-октябрда кечке маал болгон.
"Алматы көчөсү менен түштүк тарапты көздөй бара жатып, Kia Rio унаасынын 46 жаштагы айдоочусу М.М. жолдон өтүп бара жаткан адамдарды сүзүп кеткен. Алар атайын белгиленбеген жерден өтүп бараткан. Натыйжада 78 жаштагы С.Б. алган жараатынан окуя болгон жерде каза болуп, 8 жаштагы Т.М. жандандыруу бөлүмүнө жаткырылган", — деп айтылат маалыматта.
Айдоочу соо болгону, кошумча экспертизалар дайындалганы кошумчаланды.