БИШКЕК, 23-окт. — Sputnik. Абубакир Изибаев атындагы Кыргыз мамлекеттик циркинин директору болуп Светлана (Асланайым) Аширова дайындалды. Бул тууралуу Маданият, маалымат, спорт жана жаштар саясаты министрлигинен билдиришти.
Кабарга ылайык, жаңы директорду жамаатка министр Алтынбек Максутов тааныштырган. Цирктин мурдагы директору Рыскул Боромбаев башка кызматка кетип жаткандыгына байланыштуу өз арызынын негизинде кызматынан бошотулганы белгиленди.
Белгилей кетсек, Светлана (Асланайым) Аширова бүгүнкү күнгө чейин аталган циркте көркөм жетекчи болуп эмгектенип келген.