БИШКЕК, 23-окт. — Sputnik. Балбан Раззак Бейшекеев дүйнө чемпиону болду.
Спортчу Албанияда өтүп жаткан 23 жашка чейинкилер арасындагы дүйнө чемпионатын жеңип, бул категорияда Кыргызстандын капчыгына алгачкы алтын алып келген балбан болду.
Бейшекеев грек-рим күрөшү боюнча 67 килограмм салмакта күрөшүп, финалга чейин албаниялык, азербайжандык, япониялык, польшалык төрт атаандашын чоң айырма менен жеңген. Чечүүчү кармашта грузиялык атаандашы Диего Чхиквадзени 6:1 эсебинде утту.