"100 стартап" долбоорунун алкагында 100 мыкты идея тандалып, колдоо көрсөтүлөт. Бул тууралуу Рахат Керимбаева Sputnik Кыргызстан радиосунун эфиринде маек куруп жатып билдирди.
Анын айтымында, долбоорду 2025-жылдын башында ишке ашыруу пландалган.
"Кыргызпатент тарабынан кийинки жылга "100 стартап" аттуу долбоор даярдалууда. Анын алкагында 100 идеяны колдоп берели деп жатабыз. Жалпы өлкө аймагын камтыган иш-чарага бардык тармактагы стартаптар катыша алат. Аларды алып чыгып, андан нары өнүгүүсүнө, венчурдук фондуларды кызыктырып, иштешип кетүүсүнө шарт түзүүнү пландап жатабыз. Буюрса кийинки жылдын биринчи кварталында ишке ашат", — деди Керимбаева.
Ошондой эле ал долбоорду ишке ашырууда өнөктөштөр дагы белгилүү болгонун кошумчалады.