БИШКЕК, 21-окт. — Sputnik. Жумгал районунун Өрнөк айылынын жайлоого кетип дайынсыз болгон эки жашоочусун куткаруучуларды, милиционерлерди кошкондо 97 адам издеп жатат. Бул туурасында ӨКМден кабарлашты.
© Фото / пресс-служба МЧС КР
Издөөгө айыл тургундары да кошулган.
45 жаштагы киши менен тогуз жашар бала 16-октябрдан бери дайынсыз болуп жатканын айтышты. Алардын жоголгону туурасында кабар тиешелүү жактарга 19-октябрда түшкөн.
Кечээ ӨКМден 11 куткаруучу, ИИМден 12 кызматкер жана жергиликтүү тургундардан 60 адам, жалпы 83 киши издеп чыгып, бирок майнап болгон эмес. Бүгүн 97 адам издеп жатат.