Бильярд спорту боюнча август айында Алматы шаарында ардагерлер арасында дүйнө чемпионаты өтүп ага кыргызстандык спортчулар да барды. Ага жалпы 9 мамлекеттен келген 134 спортчу катышты. Казакстанда өткөн турнир, кыргыз бильярдчыларынын эл аралык мелдештердеги көрсөткүчтөрү, бильярддын өлкөдөгү өнүгүшү тууралуу сөз болду. Анда 60 жаштан жогорку курактагылар арасында Азиз Моңолбаев өкө атынан намыс талашып, коло медалдын ээси болду.
Ири турнирге даярдык, күчтүү атаандаштык, Кыргызстандагы ардагерлер арасындагы бильярддын абалы тууралуу Эл аралык класстагы спорттун чебери Канат Сыдыков жана анын окуучусу Азиз Моңолбаев менен сүйлөштүк.