Анда 12 кишини өмүрүнөн ажыратуу чечими кабыл алынган. Алар: Геринг, Риббентроп, Кейтель, Розенберг, Франк, Фрик, Кальтенбруннер, Штрейхер, Йодль, Заукель, Зейсс-Инкварт жана Борман (сыртынан) аттуу кишилер болгон.
Биринчилерден болуп Риббентроптун өкүмү аткарылган. Анын акыркы сөздөрү төмөнкүдөй болгон: "Кудай, Германияны сактай көр. Германия бирдиктүү болсун деген менин акыркы тилегим бар эле. Батыш менен Чыгыш түшүнүшүүгө келсин дегенмин".
Америка армиясынын штаттык баш алгычы Жон Вудс өлүм жазасын аткарууну начар уюштурган. Люк тар болгондуктан, жаза ала тургандар анын чекесине улам урунуп калып жаткан. Жиптин узундугу менен люктун тереңдиги эсептелбей калып, нацисттер моюн омурткаларынын сынганынан эмес, муунгандан жан берген.
Өлтүрүлгөн нацисттердин сөөгүн Мюнхендеги крематорийге алып келишкен. Ал жерде иштегендер кимдин сөөгүн өрттөй тургандыгын билишкен эмес. Имарат курчоого алынган. Ишке киришердин алдында өлүктү алмаштырып койбогондугун тактоо үчүн ар бир табытты текшерип чыгышкан.
Эки күндөн кийин өлүктөрдүн күлүн Мюнхендеги Изар дарыясындагы көпүрөдөн сууга жашыруун чачып жиберишкен.