"Кыргыз темир жолуна" кант кызылчасын ташуу үчүн вагон менен үзгүлтүксүз камсыздоо тапшырмасы коюлду. Бул тууралуу Айыл чарба министрлигинен билдиришти. Маалыматка ылайык, чечим кызылча кабыл алуу пунктуларында кампалардын аянты чектелүү болгондон улам кабыл алынган. "Быйыл кант кызылчасынын түшүмү эң жогорку көрсөткүчтө (рекорддук) экендигин эске алып, кабыл алуу пунктуларында вагондордун токтоп тургандыгы үчүн айып пулду жеңилдетүү тапшырылды. Ошону менен бирге кант кызылчасын кабыл алуу убактысын эки саатка узартуу боюнча чечим чыкты", — деп айтылат маалыматта. Министрлик 15-октябрга карата 350,6 миң тонна кант кызылчасы кабыл алынып, бул быйылкы түшүмдүн 40 пайызга жакыны экенин белгилешти. "1-октябрдан тартып кант кызылчасы Кемин, Токмок, Ивановка, Кант, Сокулук, Беловодское жана Талас облусунда жайгашкан Маймак пунктунда кабыл алынууда. Алар күчөтүлгөн тартипте, эртең мененки саат 08.00дөн кечки 20.00гө чейин дем алышсыз иштешүүдө", — дешти министрликтен.
"Манас" эпосунун үчилтигинин классикалык варианттары болуп манасчылар Сагынбай Орозбаковдун жана Саякбай Каралаевдин айтуусундагы варианттары саналат.Тиешелүү мыйзам долбоорун Маданият, маалымат, спорт жана жаштар саясаты министрлиги демилгелеген. Ошондой эле аталган мыйзам долбоорунда "Манас" эпосунун үчилтигиндеги башкы каармандардын ысымдарын колдонуу боюнча дагы норма камтылган."Мамлекеттик, муниципалдык, жеке жана менчиктин башка түрлөрүндө турган объектилердин жана алар тарабынан чыгарылуучу продукциянын аталыштарында "Манас" эпосунун үчилтигиндеги башкы каармандардын ысымдарын пайдаланууга министрлер кабинети тарабынан белгиленген тартипте уруксат берилет", — деп жазылган мыйзам долбоорунда.
Бишкекте 22-октябрдан баштап жылуулук берүү пландалууда. Бул тууралуу энергетика министри Таалайбек Ибраев парламентте билдирди. Анын айтымында, эч качан жылуулук мынча эрте берилген эмес.Эске сала кетсек, адатта борбор калаада аба ырайы беш сутка катары менен 8 градустан төмөн болсо жылуулук берилет. Жылытуу алгач бала бакча, мектеп жана башка социалдык объектилерден башталат.
Кадамжай районунда 600 кВт кубаттуулуктагы "Базарбай Ата-З кичи" ГЭСи курулат. Бул тууралуу Кыргыз-Россия өнүктүрүү фондунан кабарлашты.Маалыматка ылайык, долбоордун баасы 40,1 миллион сом болсо, мунун 22 миллион сому фонд тарабынан бөлүнгөн. Аталган ГЭС ишке кирсе электр энергиясын өндүрүү 5,2 миллион килловатт/саатты түзөт. Бул көлөм жакын жайгашкан Марказ жана Сары-Алтын айылдарынын, ошондой эле Кадамжай районунун айрым бөлүктөрүнүн калкын электр энергиясы менен камсыздоого жетет. Кыргыз-Россия өнүктүрүү фондунун башкаруучулугунун төрагасы Артем Новиков Баткен облусу боюнча жети ири долбоор фонд аркылуу ишке ашырылып жатканын, анын ичинде Кадамжай районунун Халмион айылындагы газ-бетон заводунун жана мектептин курулушу бар экенин белгиледи.///ЭМИ ВАЛЮТА КУРСУ МЕНЕН ТААНЫШЫП АЛЫНЫЗДАР: Улуттук банктын билдирүүсү боюнча уш