ЕАЭБде масштабдуу санариптик долбоор ишке ашырылууда"Кыргызстан улуттук электр тармагынын" жетекчисинин орун басары үй камагына чыктыКыргыз аскерлери Тажикстанда ЖККУнун машыгуусуна катышып жатышатАлдыда кененирээк"Кыргызстан улуттук электр тармагынын" жетекчисинин орун басары Аскат Абылаев үй камагына чыгарылды. Бул тууралуу 8-октябрдагы Биринчи май райондук сотунун чечиминде айтылган. Маалыматка ылайык, сот ИИМдин тергөөчүсүнүн өтүнүчүн канааттандырган. "Кыргызстан улуттук электр тармагы" ишканасынын жетекчисинин орун басары Аскат Абылаевдин кармалганы 7-октябрда белгилүү болгон. Ал мамлекетке ири суммада чыгым келтиргени белгиленген.
Кыргыз жоокерлери Тажикстанда өтүүчү "Рубеж —2024" машыгуусуна катышып жатышат. Бул тууралуу Коргоо министрлигинен кабарлашты.Маалыматка ылайык, Куралдуу күчтөрдүн 50гө жакын аскер кызматчысы "Кант" авиабазасынан 12-октябрда учуп кеткен. "Тажикстандын "Харбмайдон" полигонунда Борбордук Азия регионунун тез жайылтуучу жамааттык күчтөр менен "Рубеж — 2024" биргелешкен машыгуусунда ЖККУга мүчө мамлекеттин аймагына басып кирген мыйзамсыз куралдуу түзүлүштөрдү жок кылуу боюнча аскердик аракеттерди даярдоо жана жүргүзүү маселелери иштелип чыгат", — деп айтылат маалыматта. Ошондой эле машыгуудагы негизги тапшырма сырткы аскердик агрессиянын мизин кайтаруу жана контртеррордук операцияларды биргелешип жүргүзүү болуп саналары кошумчаланды.
Евразия экономикалык комиссиясынын техникалык жөнгө салуу министри Валентин Татарицкий "ЕАЭБ алкагында санариптик техникалык жөнгө салуу" долбоорун ишке ашыруунун актуалдуулугун белгиледи. Комиссиянын маалымат кызматы билдиргендей, ал "Россиялык стандартташтыруу жумалыгы" аталышындагы V эл аралык технологиялык форумда сөз сүйлөгөн. "Санариптик техникалык жөнгө салуу — евразиялык мейкиндиктеги эң масштабдуу долбоор", — деди министр. Түзүлүп жаткан платформа төмөнкүдөй артыкчылыктарга ээ: кагаздан баш тартып, техникалык регламенттер дароо эле санариптик платформада иштелип чыгат; техникалык регламенттерди иштеп чыгууда кызматташууну жөнөкөйлөткөндүктөн бизнес жана өнөр жай үчүн артыкчылыктарды түзөт; бул талаптарды издөө, аныктоо, долбоорлоо жана өндүрүш процессине жүктөө үчүн ыңгайлуу.
Британиянын падышасы Карл III Австралиянын республика болушуна тоскоол болбой турганын айтты. Бул тууралуу РИА Новости жазды. Маалыматка ылайык, Британиянын падышасы формалдуу түрдө Австралиянын дагы башчысы болуп эсептелип келет. "Бул маселе тыкыр изилденип чыкты. Монарх министрлеринин кеңеши боюнча иш алып барат. Ошондуктан Австралия республика болушу керекпи деген маселени аталган өлкөнүн эли чечиши керек", — деп жазылган аталган республикалык кыймылга жолдонгон катта. Бул падышанын Австралияга болчу иш сапарын утурлай, республикалык кыймылдын талапкерлери менен жолугушууга чакырууга жооп экени айтылды. Белгилүү болгондой, чакыруу кабыл алынган эмес. Аталган кыймылдын мүчөлөрү монархка Австралиянын республика болушун соңку убакта көпчүлүк колдоп жатканын билдиришкен.Акыркы жолу Австралияда республикалык башкаруу формасын түзүү боюнча референдум 1999-жылы өткөн. Анда дээрлик 55 пайызы британ таажысынын алдында калууга добуш беришкен.