"Атайын токтомдун негизинде отунду маркалоого "Учкун" ачык акционердик коому оператор катары бекитилген. Бул система өлкөгө кирип жаткан жана өндүрүлгөн күйүүчү майдын так көлөмүн аныктоо үчүн киргизилген. Салык толук бюджетке түшүшү керек. Элге ыңгайлуу. Анткени ар кандай контрафактылык товарлардан жана күйүүчү майга ар кандай кошулмаларды кошуудан коргоо максатын да көздөйт. Маркалоо системасынын натыйжасында отундун сапатын текшерүүгө, кошулмаларды аныктоого болот. Маркаланбаган күйүүчү май аныкталса же анын көлөмү, сапаты туура эмес чыкса аны убактылуу сатыкка чыгартпайбыз. Ал эми сатылып жаткан же сакталып турган күйүүчү майдын маркаланбаганы аныкталса жана анын баасы 100 миң сомдон ашпаса 65 миң сом административдик айып салынат. Ал эми баасы 100 миң сомдон ашса, анда иш козголот. Ошондой эле ата мекендик товар өндүрүүчүлөрдүн күйүүчү майы заводдон маркаланып, андан кийин гана аймактан сыртка чыгарылат", — деди Акматов.