БИШКЕК, 10-окт. — Sputnik. Алдыдагы аптада өлкө боюнча аба ырайы бузулуп, күн суук болот. Бул тууралуу Кыргызгидрометтен билдиришти.
Маалыматка ылайык, 11-октябрь түштөн кийин аба ырайы кескин өзгөрө баштайт. 12-13-октябрда ушундай абал сакталат. Ош, Баткенден башка аймактарда жаан, тоолуу жерлерде кар жаашы ыктымал.
14-16-октябрда мезгил-мезгили менен жаан, тоолуу райондордо кар жаап, бийик тоолуу аймактарда күндүн табы нөлдөн төмөндөшү мүмкүн.
Чүй өрөөнүндө 3…8, күндүз 7…12 градус;
Талас жергесинде 1…6, күндүз 5…10 градус;
Ош, Жалал-Абад, Баткен облустарында 6…11, күндүз 11…16 градус;
Ысык-Көл ойдуңунда 1…6, күндүз 6…11 градус;
Нарын аймагында 0…5, күндүз 6…11 градус болот.
Тоолуу жана бийик тоолуу аймактарда -10 градуска чейин сууктайт.
Мындай аба ырайы автоунаа, энергетика жана коммуналдык кызматтардын ишин, ошондой эле жайыттарда мал кармоону кыйындатары кошумчаланды.
