Милиция жол боюнда соода кылгандар менен күрөшүүгө жардам сурадыКазакстанда ЖККУнун “Бузулгус боордоштук” машыгуулары аяктадыБотаникалык бакка "өзгөчө корголуучу жаратылыш аймагы" макамын берүү сунушталдыалдыда кененирээкӨлкөдөгү ботаникалык бактын макамын өзгөртүү сунушталды. Тиешелүү токтом долбоору коомдук талкууга чыгарылды. Документте мындай чечим "Өзгөчө корголуучу жаратылыш аймактары жөнүндө" мыйзамга ылайык иштелип чыкканы жазылган. Буга байланыштуу Ботаникалык бактын Бишкек жана Нарын шаарларындагы жер тилкелеринин категориясы "калктуу конуш" макамынан "өзгөчө корголуучу жаратылыш аймагы" деп өзгөртүлгөн. Жер тилкелердин даректери: Бишкек шаары, Ахунбаев көчөсү, 1а дарегинде жайгашкан 127 гектар жер тилкеси; Бишкек ш., Горький көчөсү, 135/212 дарегинде жайгашкан 20,15 гектар жер тилкеси; Нарын шаары, Ленин көчөсүндө жайгашкан 4,17 гектар жер тилкеси. "Улуттук илимдер академиясынын Энвер Гареев атындагы ботаникалык багы" илимий-изилдөө институтуна өзгөчө корголуучу жаратылыш аймагы –— мамлекеттик ботаникалык багы макамы берилсин", — деп жазылган токтом долбоорунда.
Бишкек шаардык милициясынын кайгуул кызматы башкармалыгы “Башаламан соода” аталышындагы рейд өткөрүп жатат. Бул тууралуу мекеменин маалымат кызматы кабарлады. Иш-чаранын жүрүшүндө күйүүчү май, жашылча, жемиш жана кийим саткан бир нече соода түйүнү аныкталган. Сатуучуларга мындай соода мыйзамсыз экенин түшүндүрүп, протоколдорду түзүшкөн. Кайгуул кызматы жол боюна соода кылууга тыюу салынганын, анткени унааларды токтотуу дагы, өткөрүү дагы кыйынчылык жаратарын белгиледи. Рейд 20-октябрга чейин уланат. Милиция башаламан соода кылгандарды (0312) 53-01-81 номерине кабарлап же (0509) 102-122, (0777) 102-102 WhatsApp номерлерине жазып коюуну өтүндү.
Улуттук банктын атынан акчалай сыйлык коюлган оюндарга ишенбегиле! Башкы банк бул соцтармактагы алдамчылыктын бир түрү экенин эскертти Маалым болгондой, белгисиз адамдар оюнга катышасың деп алдап, шилтеме аркылуу кирүүнү өтүнүп, жеке маалыматтарды сурайт. Улуттук банк жеке жактарга, жарандарга эсеп ачып, акча эсептерин жүргүзбөй турганын эске салды. "Эгер алдамчыларадын торуна илингениңизди билип калсаңыз, окуя тууралуу банкка дароо кабарлап, картаны же эсепти бөгөттөп коюуну өтүнүңүз. Өзүңүзгө сак болуп, алданып калбаңыз", — деди башкы банк.
Казакстанда ЖККУнун “Бузулгус боордоштук” машыгуулары аяктады Ага Беларустун, Казакстандын, Кыргызстандын, Россиянын жана Тажикстандын аскер кызматкерлери, Бириккен штабдын жана ЖККУ катчылыгынын ыкчам топтору катышты. Машыгууларга жалпысынан 2 миңден ашык аскер кызматкерлери, 500 бирдик сооттолгон танка жана автоунаалар, Ми-17, Ми-35 тик учактары, Ил-76 жана Си-295 учактары, дрондор тартылган. Машыгуулар "Берег" полигонунда өттү. Тынчтыкты сактоо операциясы чыр-чатактар болуп жатат делген аймактардагы кырдаалды турукташтыруу жана аларды адилет, тынчтык жолу менен чечүү үчүн шарттарды камсыз кылуу максатында өткөрүлдү.
ВАЛЮТА КУРСУ МЕНЕН ТААНЫШЫП АЛЫНЫЗДАР: Улуттук банктын билдирүүсү боюнча ушул тапта:1 АКШ доллары 84 сом 70 тыйынга1 евро 93 сом 39 тыйынга 1 рубль 89 тыйынга Казак тенгеси 17 тыйынга барабар МУНАЙ БААСЫ Бишкекте орточо эсеп менен алганда Аи 92 үлгүсүндөгү бензин 66 сом 90 тыйындан баштап, 67 сом 40 тыйынга чейин, Аи 95 үлгүсүндөгү күйүүчү май 74 сом 40 тыйындан 75 сом 40 тыйынга чейин, дизель майы 74 сом 80 тыйындан, 75 сом 30 тыйынга дейре, ал эми унаа газынын литри 37 сомдон сатылууда.АБА ЫРАЙЫ7-октябрга караган түнү көпчүлүк аймактарда жаан жаап, тоолуу райондорго кар түшөт. Батыштан соккон шамалдын ылдамдыгы секундасына 4-9 метрге жетет. 7-октябрь, дүйшөмбүдө күндүз көпчүлүк аймактарда жаан, бийик тоолуу райондордо жаан, кар жаашы күтүлөт. Мындай маалыматты Кыргызгидромет таратты. Абанын температурасы Чүй, Ош, Жалал-Абад жана Баткен облустарында +20...+25, Талас аймагында +15...+20, Ысык-Көлдө +14...+19, Нарын жергесинде +13...+18 градус жылуу болот. Бишкекте күндүн табы +21...+23 градуска чейин көтөрүлсө, Ош шаарында +23...+25 градуска жетет.