Россиянын окуу жайларын бүткөн кыргызстандыктар Астанада тажрыйба алмашатМакрон Газадагы согуш үчүн Израилге курал берүүнү токтотууга чакырдыАкылбек Жапаров Ошто Папан чакан ГЭСин курууга капсула салды алдыда кененирээкМинистрлер кабинетинин төрагасы Акылбек Жапаров Ошто Папан чакан ГЭСин курууга капсула салды. Бул тууралуу өкмөттүн маалымат кызматы кабарлады. Жапаров ГЭСтин кубаттуулугу 25 МВт экенин, жылына орточо 103 млн кВт/саат электр энергиясын өндүрө турганын айткан. Инвестициянын суммасы — 27 миллион доллар. Ал Папан суу сактагычына чакан ГЭСти куруу өлкөдөгү энергетикалык көз карандылыкты алдын алууга багытталган стратегиялык дагы бир кадам экенин белгилеген.Чакан ГЭС курулуп жаткан Папан ирригациялык суу сактагычы Катар массивинин жанындагы Ак-Буура дарыясынын өрөөнүндө, Папан капчыгайынын эң кууш жеринде жайгашкан.
Кыргызстанда советтик жана россиялык ЖОЖдорду аяктагандардын кыймылынын лидерлери Казакстанда өтө турган бүтүрүүчүлөр форумуна катышат. Бул тууралуу Россиянын Бишкектеги билим жана маданият борбору билдирди. Иш-чара 9-10-октябрь күндөрү Астанада өтөт. Форумга билим берүү жана саламаттык сактоо уюмдарынын жетекчилери жана кызматкерлери, мамлекеттик бийлик органдарынын жана мамлекеттик корпорациялардын өкүлдөрү катышат. Ошондой эле Россиянын окуу жайларын бүткөндөрдүн арасындагы активисттер, ошондой эле КМШ өлкөлөрүндөгү бүтүрүүчүлөр ассоциацияларынын жетекчилери жана мүчөлөрү келет. Коноктор билим берүү жана саламаттыкты сактоо жаатындагы мамилеге, анын ичинде илимий билим берүү кызматташтыгына, биргелешкен илимий изилдөөлөргө, индустриялык билим берүү өнөктөштүгүн өнүктүрүүгө көңүл бурулат. Мында Россия менен кызматташтыкты бекемдөөдө бүтүрүүчүлөр ассоциацияларынын ролуна дагы басым жасалат.Форумга Кыргызстандын атынан катышчулардын арасында алдыңкы окуу жайларда жетекчилик кызматта иштегендер жана медициналык жайларды башкаргандар бар
Франциянын президенти Эммануэль Макрон Израилге Газа тилкесинде аскердик операцияларды жүргүзүү үчүн колдонулган курал-жарактарды берүүнү токтотууга чакырып, мындай кадамды аймактагы кырдаалды жөнгө салуу үчүн маагилүү экенин айтты. Бул тууралуу РИА Новости билдирди. "Мен бүгүнкү күндүн маанилүү маселеси жаңжалды саясий жол менен чечүүгө кайтып келүү жана Газадагы согуш үчүн курал-жарак берүүнү токтотуу деп эсептейм. Франция курал жеткирбейт”, - деди Макрон France Inter радиосунда. 2023-жылдын 7-октябрында Израиль Газа тилкесинен ракеталык чабуулга кабылган. Андан соң палестиналык ХАМАС кыймылынын согушкерлери өлкөнүн чек ара аймактарына кирип келип, аскерлер менен карапайым элге ок чыгарып, 250дөн ашуун адамды барымтага алышкан. Бийликтердин маалыматы боюнча, 1,2 миңге жакын адам каза болгон.Израилдин коргонуу күчтөрү Газа тилкесинде жарандык буталарга кол салууларды камтыган "Темир кылычтар" операциясын баштаган. Израиль анклавды толук блокадага алганын жарыялап, суу, электр энергиясы, күйүүчү май, тамак-аш жана дары-дармек менен камсыздоо токтотулган. Газанын Саламаттыкты сактоо министрлигинин маалыматына караганда, 7-октябрдан бери каза болгондордун саны 41 миңден ашты, 95 миңден ашуун киши жаракат алды.