БИШКЕК, 5-окт. — Sputnik. Тышкы иштер министри Жээнбек Кулубаев бүгүн, 5-октябрда, Россиянын Кыргызстандагы элчиси Сергей Вакуновду кабыл алды. Бул туурасында ведомствонун маалымат кызматы билдирди.
Тараптар эки өлкөнүн мамилелерин бекемдөөнү талкуулап, өзгөчө соода-экономикалык, инвестициялык, маданий-гуманитардык жардам маселелерине токтолушканы айтылды.
Ошондой эле жолугушуунун жүрүшүндө кыргызстандыктардын Россияга кирүүдө жана мекендештердин балдарын Москва шаарындагы мектептерге орноштурууда жаралган көйгөйлөрдү жоюу боюнча талкуу болду.