Астанада КМШ өлкөлөрүнүн коопсуздук кызматынын жетекчилеринин жыйыны өттүМонголияда кыргыз киносунун күндөрү, Кыргызстанда монгол кино күндөрү өтөтПрезидент Садыр Жапаров Рим папасы менен жолукту алдыда кененирээкПрезидент Садыр Жапаров жана биринчи айым Айгүл Жапарова Ватиканда Рим папасы Франциск менен жолугушту. Бул тууралуу өлкө башчынын маалымат кызматы билдирди.Жапаров Рим папасы Францисктин дүйнөнүн ар кайсы бурчтарында чыр-чатактарды чечүүгө жана адилеттүүлүктү орнотууга кошкон жеке салымын айтып өттү. Ошондой эле өлкө башчы Кыргызстан ондогон этникалык топтордун өкүлдөрү тынчтыкта жана ынтымакта жашаган светтик көп улуттуу мамлекет экенин белгиледи. "Өлкөнүн бардык диний жамааттары биздин коомдун ажырагыс бөлүгү болуп саналат жана анын өнүгүшүндө маанилүү ролду ойнойт", — деген президент. Ал эми Рим папасы Кыргызстандын көп улуттуу жана көп конфессиялуу коомду колдоо аракетин жогору баалап, бул баалуулуктарды сактоо маанилүү экенин белгилеген. Баарлашуунун соңунда Садыр Жапаров Рим папасын Кыргызстанга келип кетүүгө чакырды.
Бүгүн Астанада КМШнын Коопсуздук органдары менен атайын кызматтардын кеңешинин жетекчилеринин 55-жыйыны өттү. Бул туурасында Казакстандын Улуттук Коопсуздук кызматынан кабарлашты. Алгач, аларды Касым-Жомарт Токаев кабыл алып, ыкчам жана аналитикалык маалымат менен өз убагында алмашуу аймактык коопсуздуктун көйгөйлөрүнө жана коркунучтарына каршы иштөөгө жардам берерин белгилеген. Иш-чарага Азербайжан, Армения, Беларусь, Казакстан, Россия, Тажикстан, Өзбекстандык делегациялары жана КМШнын Аткаруу комитети менен Антитеррордук борборунун өкүлдөрү катышкан. Жолугушууда буга чейинки жыйындан берки мезгилдеги кызматташуунун жыйынтыктары каралган. Ошондой эле эл аралык террорчулукка, трансулуттук кылмыштуулукка, киберкылмыштуулукка каршы күрөшүүдө биргелешип иштешүүнүн негизги маселелери талкууланган.
Ош шаарында мэрдин тапшырмасы менен мектеп окуучулары үчүн бекер автобустар ишке киргизилди. Бул тууралуу мэриянын басма сөз кызматы билдирди. Алар күнүнө үч жолу: эртең менен, түшкү жана кечинде жолго чыгышат. Учурда беш каттамда автобус жүрөт. Маршруттук багыттарды муниципалитеттин социалдык тармактардагы баракчасынан тапса болот.Вице-мэр Сонунбек Жунусбаев белгилегендей, акыркы убакта мэрияга балдардын транспортсуз калганы боюнча көптөгөн даттануулар түшүп жатат. «Биз азыр беш автобусту ишке киргиздик, мектеп окуучулары үчүн дагы төрт троллейбусту линияга киргизүүнү пландап жатабыз. Алар студенттерди бекер ташышат», — деди вице-мэр.
Бир күн мурун Бишкекте монгол кинорежиссерлору менен жолугушуу болуп өттү. Бул тууралуу КР Кинематографисттер союзунун төрагасы Таалайбек Кулмендеев социалдык тармактар аркылуу билдирди. Маалыматка ылайык, Кыргызстанга «Түбөлүк асман астында» тасмасында башкы ролду жараткан кинорежиссер жана актёр Темучиндин (Чыңгызхан) ролун ойногон Монголиянын Эл артисти Агваанцэрэн Энхтайван, кинорежиссёр жана оператор Отгонзориг Батчулуун жана сценарист, продюсер Даваасүрэн Лувсаннамсрай келишти. Кинорежиссерлор кыргыз-монгол мамилелеринин маселелерин талкуулап, мындан ары кинематография тармагындагы кызматташтыкты бекемдөөгө багытталган натыйжалуу кадамдарды жасоону макулдашты. Кыргыз киносунун күндөрүн Монголияда жана тескерисинче өткөрүүнү макулдашышты. Маалыматка ылайык, жолугушуу Монголиянын Кыргызстандагы элчилиги тарабынан уюштурулган.