"Бала төрөлгөндө дароо идентификация берип, каттоо ишке киргенден тартып биз бул кызматты дагы да жеңилдетүүнүн үстүндө иштеп жатабыз. Эми жарандар мобилдик тиркемелери же ушул функциясы бар электрондук капчыктары аркылуу деле баланын күбөлүгүн толтуруп, ала алышат. Ымыркай төрөлгөндө ал дароо каттоого алынып жарандын номерине катталганы тууралуу билдирүү келет. Жаран үйдөн чыкпай эле тиркеме аркылуу билдирүүнү толтуруп, баласына күбөлүк алса болот. Жеткирип берүү кызматы да каралат. Алдыда үйгө каттоого турууну да ушундай эле онлайн-форматка өткөрөлү деп аракеттенүүдөбүз. Каттоодон чыгуу же туруу үчүн мурда катталган жерине барып убара болбой эле өз алдынча онлайн жүргүзө ала турган болуп калат. Бул кызмат эки ай аралыгында кыргызстандыктарга жеткиликтүү болот", — деди Токтосунова.